Përzgjedhësi Qerimi shpall listën për ndeshjet e janarit

Përzgjedhësi i Kosovës në hendboll, Bujar Qerimi, të mërkurën ka shpallur listën e lojtarëve në të cilët llogarit për ndeshjet kualifikuese për Botërorin 2023.Kosova më 5 janar luan në Prishtinë me Greqinë. Me Greqinë takohet edhe më 9 janar në Kretë. Ndeshja e radhës është Kosovë – Turqi, më 12 janar në Prishtinë, ndërsa cikli kualifikues përmbyllet me ndeshjen Belgjika – Kosova, që është më 15 janar.

Kosova tashmë ka luajtur dy ndeshje, me Turqinë dhe Belgjikën, ndërsa e ka një pikë, sa edhe Belgjika. Kombëtarja jonë synon njërin prej dy vendeve të para në grup, që siguron avancimin në fazën e dytë kualifikuese.

Qerimi për ndeshjet e janarit llogarit në 21 lojtarë. Por fillimisht Kosova luan miqësore me Malin e Zi, të dielën në Podgoricë.

Kombëtarja mblidhet të premten në Hotel Internacional në Prishtinë. Grumbullimi i lojtarëve bëhet prej orës 11:00 deri në ora 12:00. Stërvitja e parë është po të premten nga ora 15:30 në Pallatin e Rinisë. Stërvitje tjetër Kombëtarja jonë mban të shtunën prej orës 9:30, kurse pas drekës është udhëtimi për në Podgoricë.

Prej 27 deri më 30 dhjetor Kombëtarja sërish ushtron në Prishtinë, ndërsa më pas stërvitjet rifillojnë më 2 janar.

Lista e lojtarëve

Stafi teknik