Search
Close this search box.
Search
Close this search box.

Besa fiton titullin te juniorët, hendbolli pejan me të ardhme të sigurtë

Besa FamGas ka dominuar hendbollin në vend në vitet e fundit. Edhe sivjet është në finale të Kupës dhe do të fillojë nga pozita e parë plejofin. Por hendbollin pejan e presin ditë të ndritura edhe në të ardhmen. Skuadra nga Peja, Besa FamGas, pasi ka fituar titullin e kampionit të Kosovës në grupmoshën e kadetëve, siguroi titullin edhe në grupmoshën e juniorëve.

Të shtunën në Pejë është luajtur turneu final për grupmoshën e juniorëve, përkatësisht ndeshjet gjysmëfinale, ndeshja për vend të tretë dhe finalja.

Besa FamGas I kishte fituar të gjitha dhjetë ndeshjet në Grupin A të ligës së juniorëve, ndërsa në gjysmëfinale të plejofit u përball me Vëllaznimin. Fitoi me rezultat 25:21. Në gjysmëfinalen tjetër të plejofit luajtën Vushtrria dhe Kastrioti. Fitoi Kastrioti me rezultat 22:20.

Kështu për vend të tretë luajtën Vëllaznimi e Vushtrria, ndërsa fitore shënoi skuadra gjakovare Vëllaznimi me rezultat 37:31.

Në finale të plejofit të ligës së juniorëve, Besa FamGas fitoi ndaj Kastriotit të Ferizajt me rezultat 32:22.

Lajme tjera