Besa Famgas nuk ka lejuar befasi në ndeshjen e fundit të xhiros së 13-të të Superligës së Kosovës në hendboll në konkurrencë të meshkujve.
Të dielën në palestrën “Karagaçi” në Pejë, Besa e mposhti Llapin me rezultat bindës, 48:21.
Agon Bajqinovci i shënoi 10 gola për Besa Famgasin, ndërsa nga nëntë i kishin Ilir Istrefaj e Olsi Mulaj.
Luigj Kolaj ishte më efikasi te Llapi me shtatë gola. Katër i shënoi Endrit Havolli.
Me fitore, Besa u kthye në vendin e dytë me 20 pikë, sa i ka edhe Kastrioti në vendin e tretë.
Llapi është i shtati me tetë pikë. Nga tetë pikë i kanë edhe Vushtrria e Vjosa.
