Besa pa telashe, Trepça fiton dramën në Gjakovë

Të martën janë zhvilluar dy ndeshjet e mbetura të javës së pestë të Superligës së Kosovës në hendboll në konkurrencë të meshkujve. Derisa kampioni aktual, Besa Famgas fitoi pa telashe ndaj Drenicës në Drenas, dramë e vërtetë është zhvilluar në Gjakovë ku u takuan Vëllaznimi e Trepça. Në fund fitoi Trepça e Mitrovicës me vetëm një gol dallim, 32:31.

Pjesa e parë ishte plotësisht e barabartë me Vëllaznimin që kishte më së shumti dy gola epërsi dhe Trepçën që shkoi deri në tri gola epërsi. Pas 30 minutave lojë, rezultati ishte 18:18. Loja e barabartë ka vazhduar edhe në pjesën e dytë, ndërsa herë njëra skuadër e herë tjetra ishin në epërsi prej një goli.

Në minutën e 58-të rezultati ishte 30:30. Më pas shënoi A. Shabani për 31:30 në të mirë të Trepçës, ndërsa për 32:30 në minutën e fundit shënoi S. Maxhera. A. Halili realizoi golin e fundit të Vëllaznimit për rezultatin përfundimtar 32:31 në të mirë të mitrovicasve.

F. Cimili me 10 gola ishte më efikasi te Trepça. Nga 4 gola i shënuan A. Shala, A. Shabani e S. Maxhera. Te Vëllaznimi 9 gola i shënoi A. Neziri, 8 i shënoi A. Halili, ndërsa 6 gola E. Lluka.

Trepça me këtë fitore ka dalur në vend të tretë me 9 pikë. Vëllaznimi është i teti me 2 pikë.

Kampioni aktual, Besa Famgas fitoi ndaj Drenicës me rezultat të thellë, 43:20. Pas pjesës së parë rezultati ishte 23:6 për pejanët. Dhjetë lojtarë të Besës shënuan në këtë ndeshje, ndërsa më efikasi ishte J. Muqolli me 7 gola. Atë shifër e arriti edhe K. Kastrati i Drenicës. Besa është e dyta me 10 pikë, por e ka edhe një ndeshje të pazhvilluar. Drenica është e gjashta me 4 pikë.

Vëllaznimi – Trepça 31:32 (18:18)

Vëllaznimi: Halili 8, Luzha 1, Rama, Fana 3, Rexha 2, Morina, Neziri 9, Mamusha 2, Lluka 6, Mehmeti, Brahushi, Hoxha.

Trepça: Buqinca 1, Cimili 10, K. Terziqi, B. Terziqi, Nimani 2, Shala 4, A. Shabani 4, Beqiri, Sedijaj, Qabra, Maxhera 4, Neziri 3, R. Shabani 3, Zhuri 1.

Drenica – Besa Famgas 20:43 (6:23)

Drenica: Baliu 1, Kastrati 7, Gjota, Zariqi, Hamza 3, Batatina 2, Zekaj, Binaku 3, Sahiti 2, Muqolli, Geci.

Besa Famgas: Vokshi 4, Idrizi 3, Visoka 1, Jupa 5, Kukrika 1, Kouri, Tahirukaj 5, Gjuka 6, Ramosaj, Y. Muqolli 6, J. Muqolli 7, Mehmeti, Mihaljeviq, Mushkolaj 6, Luzha.

Share on facebook
Share on twitter
Share on whatsapp
Share on email

Lajme tjera

Istogu e ka fituar ndeshjen e parë finale të plejofit në Superligën e hendbollisteve. Të …

Besa Famgas e Prishtina kanë zhvilluar një ndeshje shumë të fortë të shtunën pasdite në …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është …

Pas dy ndeshjeve të Kombëtares së Kosovës, është koha për finalen e plejofit në Superligën …

Të shtunën luhet ndeshja e parë e finales së plejofit në Superligën e Kosovës në …

Istogu e ka fituar ndeshjen e parë finale të plejofit në Superligën e hendbollisteve. Të shtunën mbrëma në Istog, …

Besa Famgas e Prishtina kanë zhvilluar një ndeshje shumë të fortë të shtunën pasdite në palestrën “Karagaçi” në Pejë. …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është nënshkruar në kabinetin e …

Pas dy ndeshjeve të Kombëtares së Kosovës, është koha për finalen e plejofit në Superligën e Kosovës në hendboll …

Të shtunën luhet ndeshja e parë e finales së plejofit në Superligën e Kosovës në hendboll në konkurrencë të …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës së Republikës së Kosovës …

Vushtrria e Istogu do të takohen në gjysmëfinale të Kupës së Republikës së Kosovës në hendboll në konkurrencë të …

Nesër nga ora 13:00 tërhiqet shorti për gjysmëfinalen e Kupës së Republikës së Kosovës në hendboll. Turneu final i …

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova