Të shtunën në palestrën “Karagaçi” në Pejë janë zhvilluar ndeshjet e dy xhirove të para në kuadër të Grupit B të ligës së fatoseve (njomakeve).
Në ligën e njomakeve paraqiten vajzat e lindura në vitin 2010 dhe më të reja. Javën e kaluar ndeshjet e para i luajtën skuadrat e Grupit A, ndërsa të shtunën radha ishte për skuadrat e Grupit B.
Ndeshjet kryesisht ishin interesante dhe në frymë sportive.
Skuadra prizrenase CLICK shënoi dy fitore. Fillimisht e mposhti Shqiponjën e Gjakovës me rezultat 9:5 e më pas fitoi edhe ndaj Istogut me rezultat 10:8. Besa e Pejës barazoi me Shqiponjën (8:8), ndërsa fitoi ndaj Istogut (18:2).
Këto ishin ndeshjet e fundit për këtë vit në hendbollin kosovar.
Liga e njomakeve do të vazhdojë vitin tjetër, ndërsa pritet që niveli i tyre të rritet me secilën ndeshje të luajtur.
Menu
