Edhe një sukses i FHK-së, turneu kualifikues i hendbollisteve organizohet në Kosovë

Ndeshjet e grupit të parë të fazës së parë kualifikuese për “Euro 2022” në konkurrencë të femrave, do të luhen në Prishtinë.

Ky sukses është arritur pas përpjekjeve të mëdha të presidentit të Federatës së Hendbollit të Kosovës, Eugen Saraçini. Pas shumë negociatave të presidentit Saraçini me drejtuesit e Federatës Evropiane të Hendbollit, është vendosur që ndeshjet e grupit të parë të zhvillohen në Kosovë.

Në Grupin 1 janë Portugalia, Kosova, Luksemburgu e Qipro. Turneu mbahet prej 2 deri më 6 qershor. Ndeshjet luhen më 3, 4 e 5 qershor në Pallatin e Rinisë dhe Sportit në Prishtinë.

Në ditën e parë, Kosova takohet me Qipron, ndërsa Portugalia me Luksemburgun. Në ditën e dytë janë ndeshjet Luksemburgu – Kosova dhe Qipro – Portugalia, ndërsa në ditën e tretë luhen takimet Luksemburgu – Qipro, Portugalia – Kosova.

Kosova dhe Portugalia pritet të luftojnë për vendin e parë në grup, që dërgon në fazën e dytë kualifikuese, përkatësisht në kualifikimet e rregullta për Evropianin e vitit të ardhshëm.

Në rast se fiton grupin, që edhe është synim, në fazën kryesore kualifikuese Kombëtarja jonë do të jetë në grup me Spanjën, Hungarinë e Sllovakinë.

Organizimi i ndeshjeve në Kosovë është sukses i madh për Federatën tonë. Gjasat për sukses i kemi më të mëdha dhe synim mbetet vendi i parë në grup për avancim tutje.
Në Kombëtare ka optimizëm për sukses, sidomos pas sinjaleve të mira në ndeshjet në Austri. Deri në fillim të qershorit Kombëtarja pritet të kompletohet me disa lojtare që kanë munguar në ndeshjet e muajit të kaluar në Austri.

Turneu i grupit të Kosovës është dashur të organizohet në Portugali, por tani katër Kombëtare do të luajnë në Prishtinë. FHK-ja vazhdimisht ka marrë vlerësime maksimale për ngjarjet e organizuara te ne.

Share on facebook
Share on twitter
Share on whatsapp
Share on email

Lajme tjera

HSC Kreuzlingen ka befasuar me rezultate të mira në edicionin aktual të Superligës së Zvicrës …

Të mërkurën e të enjten luhen ndeshjet e javës së 28-të të Superligës A të …

Drenica e Drenasit nuk ka arritur të shfrytëzojë terrenin vendas në ndeshjen ndaj Vëllaznimit. Ndeshja …

Kapitenia Albina Rugova ka shënuar 11 gola dhe ka udhëhequr Istogun drejt një tjetër fitoreje …

Hendbollistja e re e Kombëtares së Kosovës, Njoma Zogaj është kthyer të shtunën në formacionin …

HSC Kreuzlingen ka befasuar me rezultate të mira në edicionin aktual të Superligës së Zvicrës në hendboll. Kreuzlingeni, ku …

Të mërkurën e të enjten luhen ndeshjet e javës së 28-të të Superligës A të Kosovës në hendboll. Është …

Drenica e Drenasit nuk ka arritur të shfrytëzojë terrenin vendas në ndeshjen ndaj Vëllaznimit. Ndeshja e javës së 27-të …

Kapitenia Albina Rugova ka shënuar 11 gola dhe ka udhëhequr Istogun drejt një tjetër fitoreje në Superligën e Kosovës. …

Hendbollistja e re e Kombëtares së Kosovës, Njoma Zogaj është kthyer të shtunën në formacionin e Aalborgut në Ligën …

Besa Famgas e Prishtina kanë fituar bindshëm ndeshjet e javës së 27-të, të parafundit në Superligën A të Kosovës …

Kastrioti i Ferizajt ka mposhtur Shqiponjën e Gjakovës me rezultat 36:32. Ndeshja e luajtur të shtunën në Gjakovë i …

Selektori i Kosovës në hendboll, Bujar Qerimi, të premten ka shpallur listën e lojtarëve të ftuar për ndeshjet me …