Search
Close this search box.
Search
Close this search box.

Gjysmëfinale interesante te hendbollistet

Të premten (nesër) luhen ndeshjet gjysmëfinale të Kupës së Republikës së Kosovës në hendboll. Ndeshjet do të luhen në palestrën “Karagaçi” në Pejë, ndërsa takimi i parë është ai mes hendbollisteve të Shqiponjës dhe atyre të Kastriotit. Kjo ndeshje fillon në ora 14:00.

Shqiponja është në garë për titull në kampionit të Kosovës, ndërsa aktualisht mbanë vendin e dytë në Superligën A me 29 pikë, dy më pak se Vushtrria që është e para. Ndërkohë skuadra ferizajase Kastrioti, garon në Superligën B. Pas javës së 18-të është në pozitën e parë me 20 pikë. Skuadra gjakovare dhe ajo ferizajase synojnë suksesin edhe në garat për Kupë.

Ndeshje e fortë dhe me hendboll cilësor pritet të jetë edhe gjysmëfinalja e dytë te hendbollistet, që nis në ora 18:00. Takohen dy skuadra pretendente edhe për titull, Istogu e Vushtrria. Istogu në Superligën A mbanë vendin e tretë me 25 pikë kurse Vushtrria është lidere.Pritet që skuadrat të kenë përkrahje edhe nga tribunat, për një atmosferë të ngrohtë sportive.

Finalja e Kupës në konkurrencën e femrave luhet të dielen nga ora 17:00.

Lajme tjera