Grumbullohet Kombëtarja U19

Në ditët e fundit të dhjetorit do të grumbullohen hendbollistet e Kombëtares U19 të Kosovës. Ky do të jetë grumbullimi i dytë në kuadër të përgatitjeve dhe përzgjedhjes së ekipit për Kampionatin Evropian të vitit të ardhshëm.

Kryetrajneri Granit Sahiti ka përfshirë në listë 21 lojtare. Ato prej 26 deri më 30 dhjetor do të kenë program të ngjeshur me stërvitje. Grumbullimi mbahet në Ferizaj.

Shumica e lojtareve janë të klubeve të vendit, ndërsa thuajse të gjitha tashmë janë pjesë e skuadrave seniore dhe luajnë në Superligë. Një lojtare vjen në grumbullim nga Suedia.

Kombëtarja U19 ka pasur një grumbullim shumë të suksesshëm muaj më parë, ndërsa avancimi pritet të jetë evident edhe pas grumbullimit të dytë.

Në javën e fundit të dhjetorit grumbullohet edhe Kombëtarja U17.

Lista e lojtareve

Stafi teknik