Search
Close this search box.
Search
Close this search box.

Istogu e Trepça në finalen e Ligës së Pionierëve

Të premten në palestrën “Minatori” në Mitrovicë janë luajtur ndeshjet gjysmëfinale të Ligës së Pionierëve (U16).

Të dy ndeshjet ishin interesante dhe ofruan hendboll të mirë.

Fillimisht njomakët e Istogut fituan ndaj atyre të Drenicës me rezultat 35:26. Edonik Madanaj i shënoi 10 gola për Istogun U16, nëntë i shënoi Florent Mavraj e tetë Kamer Sejdijaj.

Te Drenica, 11 gola i kishte Bledion Zariqi e nëntë Labinot Mehmeti.

Në gjysmëfinalen e dytë, Trepça fitoi 34:30 ndaj Prishtinës.

Eris Beqiri i shënoi 17 gola për mitrovicasit, kurse gjashtë i kishte Butrint Miftari.

Erion Bajramaj i shënoi 20 gola për Prishtinën, kurse 10 i kishte Bartol Vlahovic.

Të shtunën prej orës 16:00 është ndeshja për vend të tretë, ndërsa nga ora 17:30 është finalja Istogu – Trepça.

Lajme tjera