Kastrioti fiton edhe derbin me Prishtinën

Kastrioti ka ruajtur epërsinë prej dy pikëve në krye të tabelës, duke e fituar derbin e xhiros së 18-të të Superligës së Kosovës në hendboll (meshkujt). Skuadra ferizajase e mposhti të shtunën Prishtinën në kryeqytet me rezultat 24:20. Pas pjesës së parë Kastrioti kishte plot gjashtë gola epërsi, 14:8.

Kështu Kastrioti pjesën e rregullt të garave e përfundon në vendin e parë me 34 pikë. 32 pikë i ka Besa Famgas, ndërsa Prishtina renditet e treta me 28 pikë. Gara për titull do të vazhdojë tani në Superligën A, ku gjashtë skuadrat e para do të luajnë edhe dhjetë xhiro tjera, e më pas edhe në plejof.

Në derbin mes Prishtinës e Kastriotit, mysafirët në pjesën e parë ishin vazhdimisht në epërsi që në minutat e fundit u rrit deri në gjashtë gola. Ferizajasit e mbajtën epërsinë edhe në pjesën e dytë, ndërsa Prishtina u afrua deri në dy gola në minutën e 55-të (22:20). Por ferizajasit shënuan edhe dy gola tjerë për të mbyllur edhe një derbi në të mirë të tyre. D. Terziqi me 9 gola ishte më efikasi te Kastrioti. Nga 4 gola i shënuan P. Prekazi e P. Rajatoski. A. Bajqinovci ishte më efikasi te skuadra humbëse me 7 gola.

Java e 18-të është e fundit e pjesës së rregullt të kampionatit, kurse ka nisur të premten kur Besa Famgas fitoi shumë thellë ndaj Samadrexhës me rezultat 41:9.

Të shtunën pos derbit në Prishtinë u luajtën edhe dy ndeshje tjera.

Derbi rajonal mes Trepçës dhe Vushtrrisë, që u luajt në Mitrovicë, u fitua nga vushtrriasit me një gol dallim, 22:21. Vushtrriasit ishin në epërsi që prej minutës së 22-të dhe me lojë më të mirë arritën te fitorja që e deshën më shumë. Mitrovicasit rritën angazhimin në fund, por arritën të afrohen në vetëm një gol e jo edhe të barazojnë rezultatin. Ndeshja vendoste se cila prej këtyre dy skuadrave do të siguronte Superligën A. Në Superligën A do të garojë Vushtrria, kurse Trepça në Superligën B. Vushtrria është e pesta me 15 pikë kurse Trepça e shtata me 13 pikë.

Në Drenas u takuan Drenica e Zhegra, ndërsa fitore shënoi skuadra vendase me rezultat 29:25.

Të dielen (17:00) është ndeshja Drita – Vëllaznimi.

Prishtina – Kastrioti 20:24 (8:14)

Prishtina: Kolev, Agushi, Beqiraj, Ademi, Krasniqi 3, Bajqinovci 7, Visoka 1, Hoxha, Shahini 2, Beshiri 3, Gjuka, Kastrati 2, Abazi, Basholli 2.

Kastrioti: Prekazi 4, Terziqi 9, Shabani, Ramadani 2, Rudari, Mustafa 1, Esati, Rajatoski 4, D. Dugolli, Qerimi, Bytyqi, Curri, K, Syla 2, B. Syla, Zherka 2, A. Dugolli.

Trepça – Vushtrria 21:22 (9:14)

Trepça: Buqinca, Terziqi, Zhuri 4, Fejzullahu, Mujka 3, Tahiri, Abazxhiku 6, Maxhera 4, Pllana, Nimani, Sejdijaj, Voca, Shabani 4, Beqiri, Çabra.

Vushtrria: Mikullovci, Melenica, Karaça, Neziri 4, F. Jashari, Sadiku, Gubetini 4, Karagja 2, Lahu, M. Jashari 3, Musa 3, Shabani 5, Meholli, Demiri, Ademi 1.

Drenica – Zhegra 29:25 (12:12)

Drenica: Lladrovci, Zeka 2, Thaqi, Klinaku 11, Qorri, Mehmeti 12, Muqolli, Hasani 1, Haxhiu 1, Haxhijaj 2, Zariqi.

Zhegra: Ibrahimi, A. Haziri 11, Murseli, Shaqiri 1, M. Murseli 3, Aliu 3, A. Isufi 6, F. Isufi 1, L. Haziri.

Samadrexha – Besa Famgas 9:41 (2:17)

Samadrexha: Bunjaku, Maloku, Hyseni 1, Krasniqi 3, Basholli 1, Jashari 3, B. Maloku 1, S. Maloku.

Besa Famgas: Broqi, Tafilaj 2, Dr. Tahirukaj 4, J. Muqolli 3, Ramosaj, Dri. Tahirukaj 6, Tetova 7, B. Idrizi, Kukrika 1, Jupa 6, Çuziq 1, Gjuka 4, Bislimi 2, Y. Muqolli 5, Mehmeti.

Share on facebook
Share on twitter
Share on whatsapp
Share on email

Lajme tjera

Me finalen e Ligës së juniorëve, të luajtur të dielën, ka përfunduar edicioni garues 2020/2021 …

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …