Ndërron jetë profesor Mehdi Jashari, hendbolli mbetet pa një personalitet të madh

Ka ndërruar jetë Mehdi Jashari, profesori që për kohë të gjatë ka dhënë kontribut të madh për hendbollin në vend. Jashari ishte i lindur në vitin 1944 në Ferizaj, ndërsa me hendboll nisi të merrej në moshën 15-vjeçare, në klubin e famshëm Borci nga Ferizaj. Gjatë shkollimit në Prishtinë luajti si hendbollist për Obiliqin e më pas u kthye te Borci për të cilin klub luajti edhe dhjetë vite të tjera.

Gjatë studimeve në Sarajevë është aktivizuar për klubin Bosna dhe kreu shkollën e lartë për trajner të hendbollit.

Ka punuar gjatë edhe si trajner i hendbollit. Borcin e drejtojë dy vite e tetë vite të tjera klubin e hendbollit Prishtina (meshkujt). Hendbollistet e Prishtinës i udhëhoqi për tetë vite në Ligën Federative.

Ka pasur suksese si trajner skuadrash, por edhe si përzgjedhës i Kosovës, detyrë që e mbajti prej vitit 1982 deri në vitin 1988. Ka udhëhequr reprezentacionin e të rinjëve. Kontributi i Jasharit ka vazhduar edhe në vitet nëntëdhjeta. Ndër të tjera ishte kryetar i Komisionit të Garave të FHK-së. Prej vitit 2001 deri në vitin 2006 ka udhëhequr kampet e hendbollit në shumë qytete të vendit.

I ndjeri Jashari ka kaluar dekada si profesor universitar dhe kontributi i tij ishte i madh për shkollimin edhe të njerëzve të hendbollit. Doktoroi në Tiranë në vitin 1993 në lëminë e hendbollit. Ka punuar gjatë në Fakultetin e Kulturës Fizike në Prishtinë, ndërsa ishte edhe dekan i tij. Pas pensionimit kontriboi si ligjëruar në AAB.

Federata e Hendbollit të Kosovës dhe komuniteti i hendbollit kanë mbetur pa një personalitet të madh. FHK-ja shpreh ngushëllime të thella dhe më të sinqerta për familjen Jashari.

Vorrimi i të ndierit bëhet sot nga ora 16:00 në varrezat e qytetit të Prishtinës.

Share on facebook
Share on twitter
Share on whatsapp
Share on email

Lajme tjera

Istogu ka vazhduar me fitore në Superligën e hendbollisteve. Në derbin e xhiros së 14-të, …

Vushtrria ka arritur fitore të rëndësishme në garën për mbetjen në elitën e hendbollit kosovar. …

Besa Famgas nuk po ka të ndalur në këtë edicion të Superligës së Kosovës në …

Istogu – Vushtrria është kryendeshja e javës së 14-të në Superligën e Kosovës në hendboll …

Në fundjavë luhen ndeshjet e ardhshme në kuadër të kampionatit të Kosovës në hendboll. Në …

Istogu ka vazhduar me fitore në Superligën e hendbollisteve. Në derbin e xhiros së 14-të, Istogu të shtunën e …

Vushtrria ka arritur fitore të rëndësishme në garën për mbetjen në elitën e hendbollit kosovar. Të shtunën në kuadër …

Besa Famgas nuk po ka të ndalur në këtë edicion të Superligës së Kosovës në hendboll. Të shtunën në …

Istogu – Vushtrria është kryendeshja e javës së 14-të në Superligën e Kosovës në hendboll në konkurrencë të fermave. …

Në fundjavë luhen ndeshjet e ardhshme në kuadër të kampionatit të Kosovës në hendboll. Në Superligën A të hendbollistëve …

Kastrioti e ka fituar bindshëm përballjen e skuadrave me traditë në hendbollin kosovar. Të mërkurën mbrëma në palestrën “Minatori” …

Presidenti i Federatës Ndërkombëtare të Hendbollit, Hassan Moustafa ka uruar Eugen Saraçinin me rastin e rizgjedhjes ne postin e …

Hendbollisti premtues, Yll Muqolli, ka shënuar 10 gola të martën mbrëma në fitoren e re të Besa Famgas. Në …