Portieri i Kombëtares së Kosovës, Haris Berisha, bën hap të madh në karrierë

Haris Berisha tue qëndrue në portë me duart lart gjatë lojës

Portieri i Kombëtares së Kosovës në hendboll, Haris Berisha, ka bërë hap të madh në karrierë. Ai ka kaluar te skuadra e kategorisë së dytë zvicerane, HSC Kreuzlingen, që synon kalimin në elitë në edicionin e ardhshëm. Deri më tani Berisha ka luajtur në nivel jo shumë të lartë në Gjermani dhe kalimi në Zvicër është hap vërtetë i rëndësishëm për karrierën e tij.

Berisha (24-vjeçar) ka firmosur për një vit, me mundësi të vazhdimit të kontratës. Tashmë është paraqitur në disa ndeshje përgatitore.

“Jam shumë i gëzuar për mundësinë që të luaj në ligën e dytë zvicerane. Jam i motivuar që iu kam bashkuar një ekipi me kualitet dhe me potencial të madh. Këtë vit synimi është ngritja në ligën elitare të Zvicrës. Me përgatitjet që po i zhvillojmë dhe me një seriozitet të madh, shpresoj që në fund të edicionit t’i arrijmë synimet”, ka thënë Haris Berisha për faqen zyrtare të FHK-së.

Për kalimin e tij te Kreuzlingeni ka shkruar edhe Federata e Hendbollit të Zvicrës. Te kjo skuadër luajnë edhe kapiteni i Kombëtares së Kosovës, Valon Dedaj dhe Drenit Tahirukaj.

“Përkundër moshës së re, 24-vjeçari tashmë ka shumë përvojë ndërkombëtare. Portieri i gjatë 197 centimetra ishte numër një në kualifikimet për Evropianin 2020, te Kosova. Falë pritjeve të tij, Kosova arriti fitore historike, 27:24 ndaj Izraelit dhe barazimin e jashtëzakonshëm 23:23 ndaj Polonisë. Berisha po ashtu është vlerësuar lartë për paraqitjen ndaj Gjermanisë para 7200 shikuesve. Falë asaj paraqitje ka siguruar kalimin në Zvicër”, ka shkruar federata zvicerane.

FHK-ja i dëshiron suksese në aventurën e re Berishës.

Share on facebook
Share on twitter
Share on whatsapp
Share on email

Lajme tjera

Skuadra zvicerane, Kreuzlingen, ka fituar 27:24 ndaj UGF Stockerau (Austri), në ndeshjen e parë të …

Forma e Luigj Qunit po shkon duke u ngritur. Ai është prej lojtarëve kryesorë të …

Marigona Hajdari ishte e pandalshme të shtunën në elitën e Danimarkës. Ajo realizoi 4 gola …

Kreuzlingeni, ku paraqiten katër reprezentues të Kosovës, i është kthyer fitores në Ligën B të …

Selektori i Kosovës, Agron Shabani, të enjten mbrëma ishte në Danimarkë, ku e pa nga …

Është përcaktuar orari i Kombëtares A të Kosovës në hendboll në kualifikimet për Kampionatin Botëror …

Reprezentuesja e Kosovës, Pashke Marku po vazhdon me paraqitje të mira në kampionatin e Zvicrës. …

Pivotja e Kombëtares së Kosovës, Suzana Ujkiq, karrierën po e vazhdon në Francë. Ujkiq deri …