Prishtina ndal hovin e Besës

Prishtinës i ka takuar derbi i madh i javës së tetë të Superligës së Kosovës në hendboll. Të enjten në Pallatin e Rinisë dhe Sportit, Prishtina fitoi ndaj kampionit, Besa Famgas me një gol diferencë, 24:23. Kështu prishtinasit e kanë ndalur hovin e Besës që ishte skuadra e vetme pa humbje në shtatë xhirot e para.

Rezultati i derbit ka bërë që të jemi dëshmitarë të një gare shumë interesante dhe të fortë për kreun e tabelës. Tani Kastrioti, Prishtina e Besa Famgas i kanë nga 14 pikë, ndërsa menjëherë pas tyre me 12 pikë është Drita. Kjo katërshe pritet të zhvillojë garë interesante për titull e për Kupë.
Edhe pas pjesës së parë Prishtina kishte një gol epërsi, 13:12. Në pjesën e parë Prishtina ishte në epërsi që shkoi duke u rritur vazhdimisht. Kështu në minutën e 14-të Prishtina kishte avantazh prej katër golave, 8:4 e më pas edhe 9:5. Por pejanët u kthyen dhe barazuan rezultatin në 9:9. Më pas djelmoshat e Taib Kabashit prap krijuan epërsi të lehtë dhe pas 30 minutave lojë rezultati ishte 13:12.

Epërsinë e parë Besa e kishte në minutën e 37-të, 15:14. Më pas luhej për çdo gol, ndërsa Besa në disa raste kishte edhe dy gola epërsi (18:16, 19:17, 20:18). Në minutën e 51-të rezultati u barazua në 20:20 e më pas edhe 21:21, 22:22 e 23:23. Fare në fund Prishtina realizoi për 24:23 dhe kështu fitoi derbin dramatik. O. Beshiri shënoi golin e fundit. Besës i munguan disa lojtarë të rëndësishëm.
Kështu kampionati po bëhet gjithnjë e më interesant. Të mërkurën ndeshje dramatike ishte ajo në mes të Dritës e Kastriotit që u fitua nga Kastrioti.

Të enjten Vëllaznimi fitoi me një gol dallim ndaj Drenicës 20:19, ndërsa derbin vushtrrias e fitoi Vushtrria ndaj Samadrexhës me rezultat 31:25.

Prishtina – Besa Famgas 24:23 (13:12)

Prishtina: Beqiraj, Agushi, Ademi, Krasniqi 3, Basholli, Abazi, Bajqinovci 3, Fetahu, Visoka 5, Hoxha, Murtezi, Beshiri 5, Gjuka 3, Kastrati 5, Gashi, Batatina.

Besa Famgas: B. Idrizi 5, Vokshi, Broqi 4, Y. Muqolli 2, Dre. Tahirukaj 6, Dri. Tahirukaj 3, Ramosaj 2, Kukrika 1, Tafilaj, Berisha, Mehmeti, Tetova, J. Muqolli.

Drenica – Vëllaznimi 19:20 (9:9)

Drenica: Muqolli, Lladrovci, Gecaj, Hamza 1, Qorri 3, Hasani, Sahiti, Zekaj 3, Mehmeti 5, Haxhiaj 3, Binaku 2, Hamza, Hasani 2.

Vëllaznimi: Gaxha 5, Fana 3, Halili, Spahija, Mamusha 7, Neziri 1, Rexha 4, Rama, Luzha, Curri.

Share on facebook
Share on twitter
Share on whatsapp
Share on email

Lajme tjera

Istogu e ka fituar titullin e kampionit të Kosovës në hendboll në grupmoshën e kadeteve …

Istogu e ka fituar ndeshjen e parë finale të plejofit në Superligën e hendbollisteve. Të …

Besa Famgas e Prishtina kanë zhvilluar një ndeshje shumë të fortë të shtunën pasdite në …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është …

Pas dy ndeshjeve të Kombëtares së Kosovës, është koha për finalen e plejofit në Superligën …

Istogu e ka fituar titullin e kampionit të Kosovës në hendboll në grupmoshën e kadeteve (U18). Istogu në 22 …

Istogu e ka fituar ndeshjen e parë finale të plejofit në Superligën e hendbollisteve. Të shtunën mbrëma në Istog, …

Besa Famgas e Prishtina kanë zhvilluar një ndeshje shumë të fortë të shtunën pasdite në palestrën “Karagaçi” në Pejë. …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është nënshkruar në kabinetin e …

Pas dy ndeshjeve të Kombëtares së Kosovës, është koha për finalen e plejofit në Superligën e Kosovës në hendboll …

Të shtunën luhet ndeshja e parë e finales së plejofit në Superligën e Kosovës në hendboll në konkurrencë të …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës së Republikës së Kosovës …

Vushtrria e Istogu do të takohen në gjysmëfinale të Kupës së Republikës së Kosovës në hendboll në konkurrencë të …

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova