Selektori i Kosovës, Bujar Qerimi, ka shpallur listën e hendbollistëve në të cilët llogarit për ndeshjet e para kualifikuese për Euro 2024.
Kosova është pjesë e grupit të shtatë ku bëjnë pjesë edhe Sllovenia, Mali i Zi dhe Bosnjë-Hercegovina.
Kombëtarja jonë më 12 tetor në Podgoricë luan me Malin e Zi, ndërsa më 16 tetor e pret Slloveninë në Prishtinë.
Në listë janë 18 lojtarë. Atdhe Basholli, Matej Taci dhe Arianit Nimanaj janë ftuar për herë të parë. Ndërkohë në Kombëtare janë kthyer Rron Ramadani, Flamur Gërbeshi e Leonard Gegaj.
Për shkak të një lëndimi, në këto ndeshje mungon kapiteni Valon Dedaj, ndërsa Bujar Ramosaj mungon për shkak të obligimeve personale. I lënduar është edhe Shaban Zogaj.
Grumbullimi i lojtarëve bëhet më 8 tetor në Prishtinë.
Lista e lojtarëve
| Nr. | Emri Mbiemri | Klubi |
|---|---|---|
| 2 | Agon Bajqinovci | KH Prishtina |
| 5 | Kastriot Jupa | LHC Cottbus |
| 12 | Flamur Gërbeshi | HIF Karlskrona |
| 14 | Drenit Tahirukaj | HSC Kreuzlingen |
| 21 | Arbios Mushkolaj | KH Besa Famgas |
| 24 | Luigj Quni | GC Amicitia Zürich |
| 25 | Festim Mustafa | KH Kastrioti |
| 26 | Drilon Tahirukaj | HSC Kreuzlingen |
| 27 | Lulëzim Shabani | KH Kastrioti |
| 28 | Haris Berisha | HSC Kreuzlingen |
| 33 | Jon Muqolli | KH Besa Famgas |
| 34 | Leonard Gegaj | Vinslövs HK |
| 35 | Rron Ramadani | KH Prishtina |
| 39 | Atdhe Basholli | AM Hallo Essen |
| 61 | Arianit Nimanaj | WAT Funfasus |
| 68 | Egzon Gjuka | KH Besa Famgas |
| 77 | Matej Taci | GRK Varazhdin 1930 |
| 91 | Liridon Zena | RK Rudan Adria Oil |
