Selektori i Kombëtares së Kosovës, Agron Shabani, ka shpallur të martën listën e hendbollisteve të ftuara për ndeshjet me Poloninë.
Kosova e Polonia takohen në fazën e dytë të kualifikimeve evropiane për Kampionatin Botëror të këtij viti. Kombëtarja më e mirë pas dy ndeshjeve siguron biletën për në Botëror.
Ndeshja e parë luhet më Bielsko-Biala të Polonisë, më 6 prill nga ora 17:45. Ndërsa ndeshja e dytë është më 12 prill nga ora 20:15 në Prishtinë.
Polonia ka përvojë të gjatë e të suksesshme në ngjarjet e mëdha të hendbollit. Rrjedhimisht është favorite. Por vajzat tona do të japin më të mirën për paraqitje të dinjitetshme dhe në kërkim të befasisë së madhe.
Arritja në fazën e dytë kualifikuese është sukses i madh për Kombëtaren tonë. Në fazën e parë kualifikuese kemi kaluar Kombëtaren e Ishujve Faroe.
Selektori Shabani është bazuar në grupin e lojtareve që arriti suksesin e madh duke eliminuar Ishujt Faroe.
Kombëtarja grumbullohet më 2 prill në Prishtinë, ndërsa udhëtimi për në Poloni është më 4 prill. Më 7 prill, vajzat tona kthehen në Prishtinë dhe vazhdojnë përgatitjet për ndeshjen e dytë. Forma e lojtareve tona është e mirë dhe ky grumbullim pritet të shërbejë për hapin e madh tutje.
Lista e lojtareve
| Shirt No. | Name | Club |
| 1 | Njomza Kelmendi | ASC 09 Dortmund (GER) |
| 3 | Elisa Mulaj | Kjelsas Il (NOR) |
| 4 | Melisa Mulaj | Kjelsas Il (NOR) |
| 6 | Shkurta Mehmeti | KHF Ferizaj |
| 7 | Mirela Gjikokaj | Follo HK Damer (NOR) |
| 9 | Yllka Shatri | KHF Istogu |
| 10 | Fitore Aliu | SG Kappelwindeck (GER) |
| 11 | Arlinda Hajdari | Bjerringbro FH (DEN) |
| 13 | Natalija Milatoviq | KHF Istogu |
| 14 | Pashke Marku | HSC Kreuzlingen (SUI) |
| 15 | Albina Rugova | KHF Istogu |
| 16 | Venera Kafexholli | Spono Eagles (SUI) |
| 18 | Rina Rexhepi | AGF Handdbold (DEN) |
| 21 | Leonora Demaj | Ringkøbing Håndbold A/S (DEN) |
| 27 | Marigona Hajdari | Ringkøbing Håndbold A/S (DEN) |
| 33 | Blerta Ahmetxhekaj | KHF Istogu |
| 44 | Suzana Ujkiq | YUTZ HANDBALL FEMININ (FRA) |
