Search
Close this search box.
Search
Close this search box.

Trepça fiton në Gjakovë, Rahoveci në Deçan

Trepça e ka fituar njërin prej derbive të javës së dhjetë në Superligën e Kosovës në hendboll. Të dielën mbrëma në Gjakovë, skuadra mitrovicase e mposhti Vëllaznimin me rezultatin 33:28.
Trepça është e dyta në tabelë me 16 pikë, ndërsa Vëllaznimi renditet i gjashti me 10 pikë.
Ndeshjen më mirë e hapën mitrovicasit, që në pjesën e parë ishin vazhdimisht në avantazh. Vendasit disa herë u afruan në një gol, por pa mundur të barazojë. Pas 30 minutave lojë rezultati ishte 20:15 për Trepçën. Në pjesën e dytë Trepça ka mbajtur epërsi konstante dhe ka shënuar fitore të merituar. Kushtrim Kastrati me 11 gola dhe Alban Shabani me 8 ishin më efikasët te mitrovicasit. Florian Rexha me 7 dhe Ardi Halili me 6 gola u dalluan te Vëllaznimi.
Ndeshje interesante u zhvillua edhe në Deçan. Rahoveci e mposhti skuadrën vendase me rezultat 31:29. Rahoveci tani është i pesti me 12 pikë, kurse Deçani mban vendin e tetë me 4 pikë. Pjesa e parë ishte e barabartë, 14:14. Edhe pjesa e dytë ishte e fortë, ndërsa Rahoveci u shkëput deri në katër gola. Por në minutën e 57-të, vendasit u afruan në 29:28. Por rahovecasit mbyllën ndeshjen më mirë dhe fituan me 31:29. Alban Haziri shënoi 12 gola për Rahovecin. Drilon Tahirukaj me 10 gola u dallua te Deçani.
Llapi ka shënuar fitore të pritur ndaj Zhegrës me rezultat 33:26.

Lajme tjera