Ermir Smaka i realizoi 15 gola, ndërsa Sali Maxhera i shtoi 12 për fitoren e Trepçës ndaj Vushtrrisë.
Ndeshja e së mërkurës në palestrën “Jeton Tërstena – Tota” përfundoi 41:34 për mitrovicasit.
Ndeshja i takoi xhiros së 22-të të Superligës së Kosovës në hendboll.
Mitrovicasit u shkëputën në pjesën e dytë për dy pikë të rëndësishme.
Erkan Abazxhiku ishte më efikasi te Vushtrria me 8 gola. 5 i realizoi Lulzim Sadiku.
Trepça është e shtata me 8 pikë. Vushtrria mbetet e pesta me 14 pikë.
Të mërkurën u zhvillua edhe ndeshja mes Prishtinës e Llapit. Prishtina fitoi me rezultat 33:30.
Enis Kuleta udhëhoqi Prishtinën me 11 gola, derisa Oltion Beshiri i realizoi gjashtë.
Te Llapi 12 gola i kishte Blerton Hasani, derisa nga 5 i shënuan Artir Berisha e Rifat Visoka.
Prishtina është e katërta me 23 pikë, derisa Llapi mbetet i gjashti me 11 pikë.
