Afat i pasur kalimtar

Afat i pasur kalimtar Ka përfunduar afati i rregullt kalimtar veror në Federatën e Hendbollit të Kosovës. Gjatë afatit të rregullt ka pasur lëvizje të konsiderueshme. Te hendbollistët janë 16 kërkesa për ndërrim mjedisi, ndërsa te hendbollistet 20.
Janë edhe dhjetë kërkesa për status të lirë të lojtarëve.
Reprezentuesi i Kosovës, Arbios Mushkolaj, ka bërë kërkesë për kalim nga Besa Famgas te Rahoveci. Për lëvizje të njëjtë kërkesë ka paraqitur edhe Antonio Vozila. Kastrioti ka paraqitur kërkesë për lojtarin e Trepçës, Yassine Henahem, por ka edhe tjera lëvizje të rëndësishme. Festim Mustafa e Dardan Dugolli nga Kastrioti presin të kalojnë te Vjosa.
Kastrioti e Verona duken skuadrat më aktive sa i takon Superligës së hendbollisteve.
Të gjitha kërkesat do të shqyrtohen nga komisioni përgjegjës për transferimin e lojtarëve.