Kastrioti e ka shënuar edhe një fitore në Superligën e Kosovës në hendboll në konkurrencë të meshkujve. Të mërkurën mbrëma në palestrën “Bill Clinton”, Kastrioti mposhti Llapin me rezultat 52:32.
Ishte kjo ndeshje e mbetur e xhiros së dytë të Superligës. Ndeshja ishte shtyrë për shkak të angazhimeve evropiane të klubit ferizajas.
Besnik Bytyqi i shënoi 9 gola për Kastriotin. Nga shtatë i kishin Lulzim Shabani e Alecssander Santos.
Te Llapi tetë gola i kishte Blerton Hasani, shtatë Ardi Halili e gjashtë Rifat Visoka.
Kastrioti tani është i treti me katër pikë. Llapi i ka po ashtu katër pikë në vendin e gjashtë.
Menu
