Federata e Hendbollit e Kosovës dhe Institucioni Mikrofinanciar, KEP Trust, kanë vazhduar bashkëpunimin edhe për 1 vit.
FHK – KEP është partneritet shembullor që me marrëveshjen e re mbush një dekadë.
Bashkëpunimi i deritashëm është çmuar nga të dy palët dhe puna e përbashkët edhe në vitin 2025 e konfirmon këtë.
Marrëveshja e re është firmosur të enjten në lokalet e Federatës së Hendbollit të Kosovës.
Marrëveshja u nënshkrua nga presidenti i FHK-së, Eugen Saraçini dhe drejtori i KEP Trust, Shpend Nura.
FHK-ja e falënderon institucionin lider KEP Trust për besnikërinë dhe besimin në projektin e zhvillimit të mëtejmë të hendbollit kosovar.
Jemi të bindur se me mbështetjen e partnerëve tanë si KEP Trust do të arrijmë suksese edhe më të mëdha.
