Besa Famgas ka shfaqur ndeshje të madhe në Rumani, por megjithatë është mposhtur nga Potaissa Turda.
Skuadra e madhe rumune fitoi 29:26 dhe kështu avancoi në Kupën Evropiane. Besa ndeshjen e parë të luajtur në Pejë e fitoi me dy gola dallim.
Pejanët të dielën e hapën më mirë ndeshjen dhe krijuan epërsi bindëse. Por lojtarët me përvojë të Turdas u kthyen gradualisht dhe pas 30 minutave lojë rezultati ishte 13:12 për nikoqirin.
Në pjesën e dytë lojë ishe e hapur. Në minutat e fundit epërsi e Potaissas ishte tri gola. Besa shpërdoroi disa raste për t’u afruar në dy gola.
Në përgjithësi ishte një paraqitje e fuqishme e kampiones sonë, ndaj një skuadre të madhe rumune. Të kujtojmë që Turda tri vjet më parë e fitoi Kupën Sfiduese.
Me 11 gola të shënuar, Nikola Prce ishte më efikasi te Besa Famgas.
