Besa fiton derbin dhe shkëputet në krye

Besa FamGas ka vazhduar dominimin në hendbollin kosovar duke e fituar derbin e madh ndaj Prishtinës me shtatë gola dallim, 31:24. Ishte kjo kryendeshja e javës së 25-të të Superligës A që u luajt të shtunën mbrëma në Pallatin e Rinisë në Prishtinë. Me fitore Besa thuajse e ka të sigurtë pozitën e parë për plejof. Udhëheq në tabelë me 48 pikë, katër më shumë se Prishtina që është e dyta. Deri në fund të Superligës A kanë mbetur edhe tri xhiro tjera.

Ishte kjo përballja e katërt mes Besës e Prishtinës këtë edicion. Rezultati është 3:1 në të mirë të ekipit pejan, që është kampion aktual.

Të shtunën, skuadra e Arben Muqollit ëhtë shkëputur herët në pjesën e parë në rezultat dhe ka krijuar epërsi solide. Në fund Besa e fitoi pjesën e parë me dy gola dallim, 17:15. Pejanët ishin dominant edhe në pjesën e dytë dhe mbajtën epërsi konstante. Prishtina tentoi të afrohet, por pa shumë sukses. Në fund rezultati ishte 31:24 në të mirë të Besës.

Kontribut në fitoren e madhe të Besës dhanë të gjithë lojtarët. Më efikasi ishte Drilon Tahirukaj me shtatë gola. Gjuka shënoi gjashtë herë ndërsa Jupa pesë herë. Te Prishtina më efikasi ishte V. Zherka me gjashtë gola. Nga pesë herë shënuan Terziqi e Fetahu.

Të shtunën u luajtën edhe dy ndeshjet tjera të javës së 25-të të Superligës A. Drita fitoi ndaj Vëllaznimit me dy gola dallim, 36:34. Ndërkohë Kastrioti fitoi thellë ndaj Zhegrës me rezultat 34:16. Kastrioti është i treti me 30 pikë, ndërsa Drita e katërta me 26. Zhegra në vendin e pestë dhe Vëllaznimi në të gjashtin i kanë nga 19 pikë.

Në Superligën B u luajt java e 23-të. Të premten Vushtrria e Trepça barazuan me rezultat 29:29. Të shtunën, Samadrexha fitoi ndaj Llapit me rezultat 20:18. Trepça i ka 20 pikë, Vushtrria 16, Samadrexha 12, ndërsa Llapi vetëm gjashtë.

Superliga A
Prishtina – Besa FamGas 24:31 (15:17)

Prishtina: Esati, Kosteski, Ademi, Krasniqi, Bajqinovci, Fetahu 5, Gjuka 3, Stoilov, Murtezi, Prekazi 3, Visoka, Kastrati, Sula 2, Zherka 6, Terziqi 5, Gashi.

Besa FamGas: Curri, Idrizi 2, Biljaka 3, Broqi, Gjuka 6, Jupa 5, Tetova, Megjiq 4, Dril. Tahirukaj 7, Ramosaj, Dre. Tahirukaj 1, Kukrika 1, Muqolli 2, Beqiraj, Berisha.

Superliga B
Vushtrria – Trepça 29:29 (13:17)

Vushtrria: Buqinca, Vllahija, Llapashtica, Musa 3, Ar. Karaqa, Shabani 5, Mehmeti 1, Karaqa 2, Ademi 4, Jashari 4, Gubetini 10, Krasniqi.

Trepça: Terziqi, Tahiri, Mziu 2, Beqiri 2, Pllana 1, A. Shala 2, B. Shala 4, Nuhi 4, Basholli 13, Sejdiu, Zhubi 1.

Share on facebook
Share on twitter
Share on whatsapp
Share on email

Lajme tjera

Në prag të grumbullimit të Kombëtares së Kosovës për dy ndeshjet me Rumaninë, do të …

Superliga e Kosovës në hendboll në konkurrencë të femrave vazhdon menjëherë të mërkurën (sot) me …

Selektori i ri i Kosovës në hendboll, Bujar Qerimi, ka shpallur të hënën listën për …

Luigj Quni me Amicitia Zurich ka arritur fitoren e dytë të edicionit në Superligën e …

Me vetëm një gol dallim ka fituar Ferizaj ndaj Samadrexhës, të dielën në ndeshjen përmbyllëse …

Në prag të grumbullimit të Kombëtares së Kosovës për dy ndeshjet me Rumaninë, do të zhvillohen ndeshjet e xhiros …

Superliga e Kosovës në hendboll në konkurrencë të femrave vazhdon menjëherë të mërkurën (sot) me ndeshjet e javës së …

Lojtaret e Kosoves pershendesin njani tjetrin

Selektori i ri i Kosovës në hendboll, Bujar Qerimi, ka shpallur të hënën listën për dy ndeshjet e ardhshme. …

Luigj Quni ne akcion per klubin e tij Amicitia Zurich

Luigj Quni me Amicitia Zurich ka arritur fitoren e dytë të edicionit në Superligën e Zvicrës. Në fitoren 26:25 …

Me vetëm një gol dallim ka fituar Ferizaj ndaj Samadrexhës, të dielën në ndeshjen përmbyllëse të javës së 14-të …

Pas dy humbjeve, Trepça është kthyer te fitorja të dielën. Në kuadër të javës së 20-të kampionale, përkatësisht javës …

Istogu ka vazhduar me fitore në Superligën e hendbollisteve. Në derbin e xhiros së 14-të, Istogu të shtunën e …

Vushtrria ka arritur fitore të rëndësishme në garën për mbetjen në elitën e hendbollit kosovar. Të shtunën në kuadër …