Besa fiton derbin, Trepça vazhdon me fitore

Kampioni aktual i Kosovës në hendboll, Besa Famgas është kthyer te fitorja të shtunën në mbrëmje kur në palestrën “Karagaçi” në Pejë e mposhti Prishtinën me rezultat bindës, 33:19. Ishte kjo kryendeshja e xhiros së 17-të të Superligës së Kosovës për hendbollistë. Besa javën e kaluar pësoi nga Kastrioti në Ferizaj, por të shtunën në Pejë dëshmoi potencialin e madh që ka. Pas pjesës së parë rezultati ishte 17:7 në të mirë të ekipit pejan. Prishtina në vjeshtë kishte mposhtur Besën, por këtë herë pësoi humbje me rezultat të lartë.

Besa Famgas tani i ka 30 pikë dhe është ngritur në vend të parë. 30 pikë i ka edhe Kastrioti që ndeshjen e javës së 17-të e luan të dielen. Prishtina mbetet e treta me 28 pikë.

Besën drejt fitores e udhëhoqi E. Gjuka me 10 gola. Gola shënuan edhe plot 10 lojtarë tjerë të skuadrës pejane. Te Prishtina më efikasi ishte K. Kastrati me 4 gola.


Besa që në fillim u shkëput në rezultat duke krijuar epërsi prej 3:0. Shpejtë epërsia shkoi në gjashtë gola (8:2) dhe është rritur thuajse gjatë tërë ndeshjes.

Të shtunën është luajtur edhe ndeshja mes Zhegrës dhe Trepçës. Takimin e luajtur në Gjilan e fitoi Trepça me rezultat 36:30. Pas pjesës së parë mitrovicasit kishin epërsi prej tri golave, 13:10. Për Trepçën kjo ishte fitorja e tretë rresht në stinorin pranveror, ndërsa rezultatet e mira i mundësuan ngritje të madhe në tabelë. Tani Trepça është e gjashta me 13 pikë, sa i ka edhe Vushtrria në vend të pestë. Trepçën drejt fitores e udhëhoqi S. Maxhera, që shënoi 13 gola. Aq gola i shënoi edhe A. Haziri për Zhegrën, që renditet e teta me 9 pikë.

Dy ndeshjet e fundit të javës së 17-të luhen të dielen (nesër). Nga ora 17:00 takohen Vëllaznimi e Drenica, ndërsa prej orës 17:30 luajnë Kastrioti e Drita.

Besa Famgas – Prishtina 33:19 (17:7)

Besa Famgas: Mehmeti, B. Idrizi 3, Vokshi 3, Broqi 1, Gjuka 10, Jupa 2, Tetova, D. Tahirukaj, Dri. Tahirukaj 4, Ramosaj 2, Kukrika 3, Berisha, Çuziq 2, Bislimi 1, Tafilaj, J. Muqolli 2.

Prishtina: Beqiraj, Ademi, Krasniqi 3, Basholli, Abazi 1, Bajqinovci 1, Fetahu 2, Visoka 3, Hoxha, Shahini, Beshiri 3, Gjuka 2, Kastrati 4, Batatina, Kolev, Agushi.

Zhegra – Trepça 30:36 (10:13)

Zhegra: Ibrahimi, A. Haziri 13, Murseli 2, Shaqiri 3, M. Murseli 4, Aliu 1, A. Isufi 6, F. Isufi, L. Haziri 1.

Trepça: Beqiri 3, Buqinca, Terziqi, Zhuri 8, Fejzullahu, Mujka 5, Tahiri, Abazxhiku 4, Maxhera 13, Pllana, Nimani 3, Sejdijaj.

Share on facebook
Share on twitter
Share on whatsapp
Share on email

Lajme tjera

Vushtrria ka arritur fitore të rëndësishme në garën për mbetjen në elitën e hendbollit kosovar. …

Besa Famgas nuk po ka të ndalur në këtë edicion të Superligës së Kosovës në …

Istogu – Vushtrria është kryendeshja e javës së 14-të në Superligën e Kosovës në hendboll …

Në fundjavë luhen ndeshjet e ardhshme në kuadër të kampionatit të Kosovës në hendboll. Në …

Kastrioti e ka fituar bindshëm përballjen e skuadrave me traditë në hendbollin kosovar. Të mërkurën …

Vushtrria ka arritur fitore të rëndësishme në garën për mbetjen në elitën e hendbollit kosovar. Të shtunën në kuadër …

Besa Famgas nuk po ka të ndalur në këtë edicion të Superligës së Kosovës në hendboll. Të shtunën në …

Istogu – Vushtrria është kryendeshja e javës së 14-të në Superligën e Kosovës në hendboll në konkurrencë të fermave. …

Në fundjavë luhen ndeshjet e ardhshme në kuadër të kampionatit të Kosovës në hendboll. Në Superligën A të hendbollistëve …

Kastrioti e ka fituar bindshëm përballjen e skuadrave me traditë në hendbollin kosovar. Të mërkurën mbrëma në palestrën “Minatori” …

Presidenti i Federatës Ndërkombëtare të Hendbollit, Hassan Moustafa ka uruar Eugen Saraçinin me rastin e rizgjedhjes ne postin e …

Hendbollisti premtues, Yll Muqolli, ka shënuar 10 gola të martën mbrëma në fitoren e re të Besa Famgas. Në …

Dyshja prishtinase e gjyqtarëve të hendbollit, Sherif Xhema e Besfort Jahja, kanë pasur angazhim evropian të hënën. Xhema e …