Besa Famgas e ka mbyllur me fitore bindëse fazën e parë të garave në Superligën e Kosovës në hendboll (meshkujt). Të shtunën mbrëma në Ferizaj, Besa Famgas e mposhti Kastriotin me rezultat 41:21.
Besa udhëheq në tabelë me 36 pikë. I ka fituar të gjitha 18 ndeshjet e deritashme. Kastrioti mbetet i katërti me 20 pikë.
Të shtunën u luajtën edhe dy ndeshje tjera të javës së 18-të. Vëllaznimi fitoi si mysafir i Zhegrës me 36:26 kurse Vushtrria si vendase e mposhti Trepçën me 26:22.
Dy ndeshje të javës së 18-të, të fundit për pjesën e rregullt të kampionatit, luhen të dielën.
