Drita ishte në epërsi pas pjesës së parë, por nuk ka arritur të mbajë epërsinë deri në fund të ndeshjes me Kastriotin. Kështu skuadra ferizajase, Kastrioti e fitoi kryendeshjen e parë të javës së tetë të Superligës së Kosovës për hendbollistë. Të mërkurën në palestrën në Gjilan, Kastrioti fitoi me tri gola dallim, 28:25. Pas pjesës së parë rezultati ishte 14:13 në të mirë të gjilanasve.
Ndeshja ishte e fortë dhe me rivalitet, ndërsa në pjesën e dytë mysafirët nuk ia dolën të shkëputën deri në minutën e 50-të. Në minutën e46-të rezultati u barazua në 21:21 e më pas Kastrioti shënoi tri gola për epërsinë 24:21 në minutën e 50-të. Por vendasit nuk u ndalën dhe ngushtuan rezultatin në 25:24 në minutën e 55-të. Më pas lotarët e Kastriotit shënuan dy herët për 27:24, vendasit ngushtuan epërsinë në 27:25 dhe fare në fund mysafirët realizuan për rezultatin përfundimtar, 28:25.
Kështu Kastrioti është kthyer te fitorja pas disfatës që pësoi në Pejë të shtunën. Kastrioti tani i ka 14 pikë. Për Dritën ishte disfata e dytë pas asaj nga Besa, ndërsa mbetet me 12 pikë.
Të mërkurën u luajt edhe takimi në mes të Trepçës dhe Zhegrës. Zhegrasit fituan në Mitrovicë me rezultat 37:31. Për Zhegrën ishte fitorja e dytë rresht, pas asaj ndaj Samadrexhës. Trepça pësoi humbjen e pestë.
Tri ndeshjet tjera të javës së tetë janë të enjten. Në kryeqytet prej orës 19:00 luhet kryendeshja tjetër në mes të Prishtinës e Besa Famgas.
Drita – Kastrioti 25:28 (14:13)
Drita: Buqinca, Sylejmani 1, Cimili 4, Maxhera 3, Gubetini 5, Shahini 1, Veliu, Selmani 5, Azizi 4, Misini 2, Shaqiri, Mehmeti, Mustafi.
Kastrioti: Kolev, K. Syla 2, B. Syla 1, Salihu 3, A. Dugolli 1, Prekazi 4, Terziqi 4, Shabani 3, Haxhimusa 1, Ramadani 2, D. Dugolli, Rudari, Mustafa, Esati, Rajatoski 7.
Trepça – Zhegra 31:37 (12:15)
Trepça: Terziqi, Tahiri, Shabani 13, Mujka 13, Qabra 3, Fejzullahu, Voca, Y. Beqiri 2, Eg. Çela, E. Beqiri, E. Çela.
Zhegra: Jakupi, Kuregjaj, A. Isufi 8, A. Haziri 7, SHaqiri 3, Agushi 4, Aliu 8, Murseli 4, L. Haziri 3.
