Fitore bindëse e vajzave tona ndaj Qipros

Kombëtarja e Kosovës në hendboll (femrat) është kthyer në rrugën e sukseseve. Pas shenjave të mira që dha në ndeshjet në Austri, Kombëtarja e Kosovës të enjten në Pallatin e Rinisë dhe Sportit në Prishtinë e mposhti Qipron me rezultat 30:21.

Ndeshja me Qipron i takoi grupit A të fazës së parë kualifikuese për Euro 2022. Vajzat tona kanë dominuar prej fillimit dhe kanë shfaqur më shumë cilësi se hendbollistet nga Qipro. Epërsia sa shkonte e rritej. Pas pjesës së parë rezultati ishte 14:9.

Në ndeshjen tjetër të grupit A, Portugalia fitoi bindshëm ndaj Luksemburgut.

Marigona Hajdari ka organizuar në mënyrë të shkëlqyeshme lojën e Kombëtares tonë. Ajo shënoi tri gola. Më efikaset ishin Arlinda Hajdari dhe Njoma Zogaj me nga 7 gola. Arlinda u shpall lojtare e ndeshjes. Por në fillim të pjesës së dytë Arlinda pësoi lëndim të gjurit dhe nuk mundi të luaj më. Druhet se lëndimi i saj është serioz që do të ishte goditje e madhe për Kombëtaren tonë.

Të enjten kombëtarja luajti edhe pa Mirela Gjikokajn, ndërsa lëndim kishte edhe Marigona Hajdari. Mungojnë edhe Leonora Demaj, Albana Arifi, Kristina Ukaj dhe plot lojtare të tjera.

Por lojtaret që janë në grumbullim kanë dhënë më të mirën ndaj Qipros. Janë angazhuar maksimalisht si në sulm ashtu edhe në mbrojtje. Me paraqitjen e tyre është ndarë i kënaqur selektori Agron Shabani, që ka vlerësuar paraqitjen.

Nesër prej orës 19:30 është ndeshja e dytë ndaj Luksemburgut.

Share on facebook
Share on twitter
Share on whatsapp
Share on email

Lajme tjera

Me finalen e Ligës së juniorëve, të luajtur të dielën, ka përfunduar edicioni garues 2020/2021 …

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …

Prej të enjtes e deri të shtunën në Pallatin e Rinisë dhe Sportit në Prishtinë …