Fitore me shumë peshë ndaj Luksemburgut

Me numër shumë të limituar të lojtareve (10 gjithsej, prej tyre 3 portiere), Kombëtarja e Kosovës e ka mposhtur Luksemburgun. Ndeshja e së premtes e luajtur në Pallatin e Rinisë në Prishtinë, i takoi Kosovës me rezultat 33:27.

Vajzat tona meritojnë falënderime dhe vlerësime për angazhimin e pashoq gjatë 60 minutave lojë. Ndonëse luajtën vetëm shtatë lojtare, ato nuk janë ndalur për asnjë çast dhe falë angazhimit dhe luftës sportive, kanë shënuar fitore me shumë peshë.

Në ndeshjen ndaj Qipros lëndim serioz pësoi Arlinda Hajdari, ndërsa të enjten e të premten shumë lojtare kanë pranuar rezultat pozitiv në testin për koronavirus. Kjo bëri që selektori Agron Shabani të ketë në dispozicion vetëm 10 lojtare.

Vajzat e selektorit Shabani nuk janë ndalur dhe kanë dëshmuar që me angazhim dhe dëshirë për ta prezantuar vendin, çdo gjë është e mundur.

Kombëtarja jonë e nisi ndeshjen fuqishëm dhe krijoi herët epërsi të lartë. Pjesa e parë përfundoi 16:9.

Në pjesën e dytë lojtaret e Luksemburgut kanë dhënë më shumë dhe janë afruar në një moment në dy gola. Por pas një pushimi të kërkuar nga selektori Shabani, Kombëtarja jonë është kthyer në rrugën e duhur dhe e ka mbajtur epërsinë deri në fund, 33:27.

Pashke Marku ishte më efikasja me dhjetë gola.  Albina Rugova e Suzana Ujkiq shënuan nga 8 gola ndërsa Marigona Hajdari shtoi 5. Ka shkëlqyer portierja dhe kapiteni Njomza Kelmendi me shumë pritje. Kontribut të çmuar kanë dhënë edhe Aida Stagova e Alma Nivokazi, që shënuan nga një gol, por edhe Rinesa Uka, Meltem Ylberi e Blerta Ahmetxhekaj.

Hendbollistet që luajtën kanë pasur përkrahje të madhe nga lojtaret që nuk e kishin këtë herë mundësinë të jenë në fushën e lojës.

Nesër në program është ndeshja me Portugalinë, që vendos për vendin e parë në grup dhe për avancim tutje.

Share on facebook
Share on twitter
Share on whatsapp
Share on email

Lajme tjera

Me finalen e Ligës së juniorëve, të luajtur të dielën, ka përfunduar edicioni garues 2020/2021 …

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …

Prej të enjtes e deri të shtunën në Pallatin e Rinisë dhe Sportit në Prishtinë …