Kapiteni Dedaj: Fitore me vlerë të shumëfishtë

Kapiteni i Kosovës, Valon Dedaj, i është gëzuar shumë fitores ndaj Sllovakisë. Sipas Dedajt, fitorja në Prishtinë ka vlerë të shumëfishtë.
Dedaj e kishte të pamundur të luaj në Sllovaki, ndërsa mungesa e tij u vërejt shumë. Të dielën në Prishtinë, hendbollisti me përvojë solli qetësi dhe stabilitet në lojën e Kombëtares sonë.
“Fitorja ishte shumë e mirë për Kombëtaren, por edhe për ne lojtarët. Po të pësonim edhe në këtë ndeshje do të binim shumë edhe në EHF. Fitorja në shtëpi është e mirë në mënyrë që të kthejmë besimin e tifozëve dhe që numri i shikuesve të jetë më i madh në ndeshjen e ardhshme. Sa herë që luajmë në Kosovë është e vështirë për kundërshtarët”, ka thënë Dedaj.
Ai është optimist për të ardhmen.
“Në Kombëtare kemi lojtarë të rinj. Për ta fitorja ishte shumë me rëndësi për të fituar vetëbesim. Kanë munguar disa lojtarë pasi edhe në Sllovaki do të fitonim”, ka shtuar Valon Dedaj.

Lajme tjera