Kapitenia Demaj duhet të operohet, mungon kohë të gjatë

Në foto shihet kapitenia e Kombëtares së Kosovës, Leonora Demaj me top në dorë duke u munduar të largohet nga bllokimi i katër lojtareve kundërshtare.

Kapitenia dhe liderja e Kombëtares së Kosovës në hendboll, Leonora Demaj do t’i nënshtrohet një operimi dhe do të mungojë kohë të gjatë. Mungesa e Demajt do të jetë hendikep i madh për Kombëtaren tonë, marrë për bazë që ajo në vitet e fundit ka udhëhequr Kosovën drejt niveleve të reja.

Demaj kishte pësuar lëndim të rëndë të ligamenteve të gjurit më 8 mars derisa ishte duke luajtur për skuadrën e saj në Danimarkë, Sonderjyske. Edhe te Sonderjyske, Leonora është lojtarja kryesore.

Ajo do të mungoi nga hendbolli të paktën nëntë muaj. Demaj ka dëmtuar ligamentin kryqëzor të gjurit të djathtë dhe do të operohet shumë shpejtë.

“Kam dëmtuar rëndë ligamentin kryqëzor në gjurin e djathtë. Ditët dhe javët e para kanë qenë shumë të rënda. Gjurin e kam pasur të ënjtur dhe më është dashur të kem kujdes shumë të madh. Disa ditë pas lëndimit kam nisur me disa ushtrime shumë të thjeshta. Qëllimi ishte për të drejtuar këmbën, por ka qenë shumë e vështirë”, ka thënë Demaj për faqen zyrtare të Federatës së Hendbollit të Kosovës.

Ajo për herë të parë në karrierë pëson lëndim të rëndë. Kapitenia jonë shquhet për përgatitjen shumë të mirë dhe për fizikun që ka.

“E kam ditur menjëherë që është diçka serioze sepse e kam ndier që diçka është këputur brenda gjurit”, ka thënë Demaj.

Për shkak të koronavirusit, ajo nuk e di kur do të operohet, por pret që kjo të ndodhë shumë shpejtë.

“Nuk e di saktësisht datën e operimit mirëpo shpresoj që në të ardhmen më të afërt të bëjë operimin. Tani jam duke e forcuar gjurin sa më shumë që është e mundur. Këtë po e bëj me ushtrime, që të jam më e fortë pas operimit. Pas operimit pritet të qëndroj jashtë hendbollit për 9 deri në 12 muaj. Më pret një kohë e gjatë e rehabilitimit”, ka deklaruar Demaj.

Për tifozët e shumtë të Kombëtares së Kosovës ajo ka premtuar kthim të fuqishëm. “Unë do të jap çdo gjë që kam që të rikthehem edhe më e fortë se që kam qenë. Do të kthehem edhe më e fortë në Kombëtare dhe në skuadër. Do e pres me shumë gëzim ditën kur do ta veshi fanellën e Kosovës përsëri. Për kohën sa unë do të mungoj, i dëshiroj Kombëtares së Kosovës suksese. Do të jem jashtë fushës dhe do ta ndihmoj maksimalisht”.

Share on facebook
Share on twitter
Share on whatsapp
Share on email

Lajme tjera

Istogu e ka fituar titullin e kampionit të Kosovës në hendboll në grupmoshën e kadeteve …

Istogu e ka fituar ndeshjen e parë finale të plejofit në Superligën e hendbollisteve. Të …

Besa Famgas e Prishtina kanë zhvilluar një ndeshje shumë të fortë të shtunën pasdite në …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është …

Pas dy ndeshjeve të Kombëtares së Kosovës, është koha për finalen e plejofit në Superligën …

Istogu e ka fituar titullin e kampionit të Kosovës në hendboll në grupmoshën e kadeteve (U18). Istogu në 22 …

Istogu e ka fituar ndeshjen e parë finale të plejofit në Superligën e hendbollisteve. Të shtunën mbrëma në Istog, …

Besa Famgas e Prishtina kanë zhvilluar një ndeshje shumë të fortë të shtunën pasdite në palestrën “Karagaçi” në Pejë. …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është nënshkruar në kabinetin e …

Pas dy ndeshjeve të Kombëtares së Kosovës, është koha për finalen e plejofit në Superligën e Kosovës në hendboll …

Të shtunën luhet ndeshja e parë e finales së plejofit në Superligën e Kosovës në hendboll në konkurrencë të …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës së Republikës së Kosovës …

Vushtrria e Istogu do të takohen në gjysmëfinale të Kupës së Republikës së Kosovës në hendboll në konkurrencë të …

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova