Kombëtaret që duhet të kalojë Kosova për të siguruar paraqitjen në botëror

Kombëtares U-21 të Kosovës në hendboll (meshkujt) të hënën i është hapur rruga për sukses historik, përkatësisht për të siguruar paraqitjen në kampionatin botëror që prej 16 deri më 28 korrik mbahet në Spanjë.

Në takimin që drejtuesit e Federatës tonë (presidenti Eugen Saraçini dhe sekretari gjeneral Izet Gjinovci) e kishin me presidentin e IHF-së, Hassan Moustafa, u vendos që IHF Trophy Intercontinental të organizohet në Prishtinë prej 9 deri më 15 prill.

Kosova U-21 duhet të fitojë këtë garë dhe të sigurojë botërorin në Spanjë. Pra kombëtarja e drejtuar nga Fatmir Muhaxheri ka rast të artë që të bëhet e para prej të gjitha kombëtareve të sporteve kolektive të Kosovës që paraqitet në botëror. Tani ka mbetur që djelmoshat tanë të shfaqin vlerat në fushën e lojës.

IHF Trophy Intercontinental do të mbahet për grupmoshën U-21 dhe atë U-19. IHF Trophy për Evropë ishte organizuar në Prishtinë dhe Kosova fitoi në të dy grupmoshat, U-20 e U-18. Kështu fitoi të drejtën të paraqitet në fazën Interkontinentale, por tani me U-21 e U-19, që i bie të jetë gjenerata e njëjtë. 19-vjeçarët nuk kanë mundësi për të shkuar në botëror, por e kanë rastin të fitojnë IHF Trophy Intercontinental që do të ishte sukses shumë i madh. Ndërsa për U-21 suksesi do të kishte vlerë historike. Ndeshjet e 21-vjeçarëve do të luhen në Pallatin e Rinisë dhe Sportit, ndërsa ato të 19-vjeçarëve në sallën 1 Tetori.

Pos në Evropë, IHF Trophy është organizuar nga Federata Ndërkombëtare edhe në Afrikë, Azi, Amerikë të Veriut e Karaibe, Amerikë të Jugut dhe Qëndrore dhe Oqeani.
Kështu kundërshtarët e Kosovës U-21 në IHF Trophy Intercontinental do të jenë Nigeria, Taipei Kinez, SHBA-ja, Australia e Paraguaji.

Te 19-vjeçarët pos Kosovës do të garojnë edhe Nigeria, Taipei Kinez, Kanadaja, Zelanda e Re dhe Paraguaji.

Share on facebook
Share on twitter
Share on whatsapp
Share on email

Lajme tjera

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …

Prej të enjtes e deri të shtunën në Pallatin e Rinisë dhe Sportit në Prishtinë …