Ndonëse angazhimi i shumicës së lojtarëve nuk ka munguar, Kombëtarja U20 e Kosovës në hendboll ka pësuar humbje nga Ukraina. Ndeshja e së hënës përfundoi me rezultatin 36:22 në të mirë të Ukrainës. U luajt në Varna ku po zhvillohet Evropiani i Divizionit B.
Në rezultat ndikuan gabimet individuale e po ashtu mungesa e qetësisë në momente të caktuara. Në faza të caktuara, loja e Kombëtares sonë ka funksionuar, por jo mjaftueshëm sa për ta shmangur disfatën. Të mërkurën djemtë tanë luajnë me Zvicrën.
