Të mërkurën e të enjten zhvillohen ndeshjet e raundit të parë të Kupës së Kosovës në hendboll në konkurrencë të meshkujve.
Të mërkurën janë ndeshjet Prishtina – Drita (17:30) e Vjosa – Prizreni (18:00).
Ndeshjet e së enjtes janë: Trepça – Istogu (16:30), Llapi – Ulpiana (19:00), Vushtrria – Drenica (19:30). Ndeshja mes Trepçës e Istogut zhvillohet në Banjë.
Për shkak të ndeshjes evropiane në fundjavë, Rahoveci takimin ndaj Vëllaznimit e luan javën e ardhshme.
Besa Famgas – Deçani zhvillohet më vonë.
Edhe hendbollistet i luajnë ndeshjet e raundit të parë të Kupës së Republikës së Kosovës. Të martën prej orës 18:00 është takimi Shqiponja – CLICK.
Të mërkurën në program janë këto ndeshje: Besa – Jusuf Gërvalla (16:00), Samadrexha – KEK-u (19:00), Kastrioti – Ulpiana (17:00), Ferizaj – Vjosa (15:00).
Istogu – Dukagjini (18:30), Vushtrria – Trepça, Tereza – Prishtina (19:00) janë ndeshjet e së enjtes.
