Istogu po shndërrohet në qendër të rëndësishme edhe sa i takon hendbollistëve. Suksesi i fundit dëshmon se në këtë qytezë po punohet edhe me hendbollistët e rinj.
Të dielën, pionierët e Istogut janë kualifikuar në gjysmëfinale të Ligës së pionierëve. Në ndeshjen çerekfinale Istogu e ka mposhtur Prishtinën me rezultat 24:23. Pas pjesës së parë istogasit kishin epërsi prej dy golash, 8:6. Pas pjesës së dytë rezultati ishte 16:12 për Istogun, kurse pas pjesës së tretë shifrat ishin 24:23 për istogasit.
Ndeshja është luajtur në Podujevë. Pas një jave luhen ndeshjet gjysmëfinale dhe finalja.
