Përzgjedhësi i Kosovës, Taip Ramadani ka shpallur listën për ndeshjet ndaj Izraelit.
Në kuadër të fazës së dytë kualifikuese për “Euro 2020”, kombëtarja jonë e hendbollistëve takohet me Izraelin më 10 prill nga ora 19:15 në Pallatin e Rinisë dhe Sportit në Prishtinë. Me Izraelin, Kombëtarja e Kosovës luan edhe më 14 prill në Tel Aviv.
Sidomos ndeshja në Prishtinë vlerësohet rast i madh për djelmoshat tanë për të marrë rezultat pozitiv në këto kualifikime. Kosova është në grupin A ku bëjnë pjesë edhe dy superfuqitë, Gjermania e Polonia. Në tetor të vitit të kaluar, kombëtarja jonë ka luajtur ndeshje me Poloninë dhe Gjermaninë, që kanë shërbyer shumë për të fituar përvojën e duhur në këtë nivel superior.
Përzgjedhësi Ramadani e ka shpallur listën të dielen mbrëma, pasi ka përcjellur paraqitjen e lojtarëve në ndeshjet e xhiros së 24-t në Superligën A, të luajtura këtë fundjavë.
Për ndeshjet me Izraelin ishin të ftuar edhe Flamur Gërbeshi, Oltion Beshiri, Egzon Gjuka e Florim Hoxha, që nuk kanë pasur mundësi të bashkohen me ekipin këtë herë.
Baza e ekipit kombëtar ka mbetur e njëjtë, ndërsa është plotësuar në disa pozita me emra të rinjë, që pritet të rritin konkurrencën e bashkë me të edhe cilësinë.
Më poshtë paraqesim listën me emrat e lojtarëve të ftuar:
| Arbër Curri | KH Kastrioti |
| Beni Sula | KH Kastrioti |
| Kastriot Jupa | KH Besa Famgas |
| Kreshnik Krasniqi | KH Prishtina |
| Bashkim Gashi | LIF Lindesberg (SWE) |
| Lindrit Fetahu | KH Prishtina |
| Enis Kabashi | TG Landshut (GER) |
| Valon Dedaj | HSC Kreuzlingen (SUI) |
| Fatlum Ahmeti | LIF Lindesberg (SWE) |
| Deniz Terziqi | KH Kastrioti |
| Armir Agushi | KH Prishtina |
| Etrit Xhafolli | HSG Barnstorf/Diepholz (GER) |
| Endrit Abdullahi | Rimbo HK (SWE) |
| Luigj Quni | Pfadi Winterthur (SUI) |
| Drilon Tahirukaj | KH Besa Famgas |
| Haris Berisha | KH Besa Famgas |
| Bujar Ramosaj | KH Besa Famgas |
| Rron Ramadani | KH Kastrioti |
| Stafi teknik: | |
| Taip Ramadani | Selektor |
| Erhan Shahini | Trajner |
| Veton Hajrizi | Trajner |
| Enver Tahiraj | Trajner |
| Agon Bytyqi | Fizioterapeut |
