Ramadani publikon listën për ndeshjet kualifikuese për Botëror

Përzgjedhësi i Kosovës në hendboll, Taip Ramadani të enjten ka publikuar listën e gjerë të lojtarëve në të cilët llogarit për ndeshjet e janarit. Prej 12 deri më 14 janar Kosova luan në kuadër të grupit të katërt të fazës së parë kualifikuese për kampionatin botëror për hendbollistë, që mbahet në vitin 2019.

Kosova më 12 janar luan ne Poloninë, më 13 janar me Portugalinë dhe më 14 janar me Qipron. Ndeshjet do të luhen në Povoa de Varzim të Portugalisë.Vetëm fituesi i grupit kalon tutje në fazën e plejofit.

Përzgjedhësi Taip Ramadani ka ftuar 23 lojtarë në grumbullimin fillestar. Prej tyre 15 lojtarë janë të klubeve të Superligës ndërsa tetëë të klubeve të huaja.

Përfaqësuesja grumbullohet më 25 dhjetor në Gjakovë, ndërsa lojtarët fillimisht do të punojnë nën urdhërat e trajnerit Fatmir Muhaxheri. Kampi  i parë zgjat deri më 30 dhjetor. Kampi i dytë nis më 3 janar dhe zgjat deri më 11 janar, kur është planifikuar udhëtimi për në Portugali. Kampi i dytë do të mbahet në Prishtinë.

Në përgatitje të ekipit Ramadani do të ndihmohet nga Igor Dokmanoviq trajner kroat nga Norvegjia e Fatmir Muhaxheri. Në fazën përgatitore në shtab teknik do të jenë edhe Enver Tahiraj e Fadil Kçiku, trajner në Gjermani.

Aktiviteti i fundit i përfaqësueses ishte kampionati i IHF-së për vendet me hendboll në zhvillim. Në kampionatin e mbajtur në qershor në Bullgari, Kosova ishte e suksesshme duke u renditur e treta dhe duke siguruar kështu garimin në kualifikime për evropian (në fazën e dytë), më vonë vitin tjetër.  

Në përfaqësuese pritet që të përfshihet edhe Goran Biljaka i cili është në pritje të rregullimit të dokumentacionit për shtetësi të Kosovës. Dokumentacioni i tij pritet të rregullohet së shpejti dhe kështu nuk do të ketë pengesa që lojtari me përvojë i Besës të jap kontributin e tij te Kosova. Ndërsa në listë mungon reprezentuesi Enis Kabashi i cili paraqite për skuadrën Gjermane Landshut për shkak te lëndimit, prandaj nuk është përfshirë në listë.

Kampet:

1. Kampi i parë: 25 deri 30 Dhjetor (udhëheqet nga Fatmir Muhaxheri) në Gjakovë

2. Kampi i dytë: 3 deri 11 Janar në Prishtinë 

Lista e përzgjedhjes:

Name	Club	Position
Vlerson Zherka	KH Prishtina	C
Valon Dedaj	HSC Kreuzlingen	C
Endrit Abdullahu	IFK Skövde	C
Flamur Gërbeshi	Amo HK	GK
Arbër Curri	KH Besa Famgas	GK
Haris Berisha	KH Besa Famgas	GK
Arbër Sylejmani	KH Drita	GK
Deniz Terziqi	KH Prishtina	LB
Etrit Xhafolli	IF Springe	LB
Jon Muqolli	KH Besa Famgas	LB
Lindrit Fetahu	KH Trepça	LW
Oltion Beshiri	MRK Metalac	LW
Kastriot Jupa	KH Besa Famgas	P
Fatlum Ahmeti	LIF Lindesberg	P
Luigj Quni	GC Amicitia Zürich	P
Goran Biljaka	KH Besa Famgas	RB
Beni Syla	KH Prishtina	RB
Drenit Tahirukaj	KH Besa Famgas	RB
Drilon Tahirukaj	KH Besa Famgas	RW
Florim Hoxha	SV Anzing	RW
Kreshnik Krasniqi	KH Prishtina	DF
Drilon Haxhimusa	KH Kastrioti	DF
Bujar Ramosaj	KH Besa Famgas	DF
Stafi
Taip Ramadani		B
Igor Dokmanoviq		A
Fatmir Muhaxheri		C
Gent Panduri		D
Enver Tahiraj
Fadil Kçiku