Rugova vlerëson ngritjen e kombëtares

Në ndeshjet e fundit të kombëtares së Kosovës, Albina Rugova ishte prej hendbollisteve kryesore. Kapitenja e Istogut ka bërë paraqitje dinjitoze në pozitën e alos dhe ka dëshmuar që edhe lojtaret e kampionatit vendorë mund të japin kontribut të madh për kombëtaren tonë. Në ndeshjen ndaj Holandës, Rugova shënoi katër gola. Katër gola i realizoi edhe Mirela Gjikokaj, ndërsa gjashtë herë realizoi Ardiana Merditaj.

Kosova të shtunën në Almere pësoi nga Holanda me rezultat 42:16. Ishte kjo ndeshja e fundit e fazës së dytë eliminatore për evropianin e këtij viti. Në fazën e parë kualifikuese Kosova fitoi ndaj Gjeorgjisë e Izraelit, ndërsa në fazën e dytë ishte në grup shumë të vështirë dhe i humbi të gjitha gjashtë ndeshjet me Holandën, Hungarinë e Bjellorusinë. Por Rugova vlerëson se kombëtarja po shënon ngritje çdo herë e më shumë.

“Duke marrë parasysh faktin që Holanda e Hungaria janë superfuqi evropiane dhe botërore të hendbollit, sigurisht për ne është sukses të ballafaqohemi me këto ekipe. Jemi të kënaqura deri diku me rezultatet duke marrë parasysh nivelin e hendbollit kosovar. Por më shumë se rezultatet na gëzon fakti që çdo ditë e më shumë po ngritemi dhe për ne këta janë vetëm hapat e fillimit”, ka thënë Albina Rugova. 21-vjeçarja është optimiste për paraqitje më të mira në ciklet e ardhshme eliminatore.

“Synimet janë që me këtë ekip, në të cilin thuajse të gjitha vajzat jemi të një gjenerate, të arrijmë suksese sa më të mëdha. Synojmë që të kemi paraqitje më të mira dhe me një short më të përshtatshëm të marrim fitore në kualifikime. Këtë herë nuk patëm fat në short, përballë kishim Hungarinë dhe Holandën që në përbërje i kanë disa prej lojtareve më të mira në botë. Por përballja me to është një lloj shkolle për ne, na shërben shumë për të ardhmen, për të parë nivelin që duhet të arrijmë për të përballur ekipet superiore”, ka thënë Rugova. Ajo vlerëson paraqitjen që kishte ndaj Holandës.

“Sigurisht që jam e kënaqur pasi pata mundësi të mposht portieren më tëmirë në botë, Tessie Wester në tri tentimet që kisha ndaj saj. Kjo natyrisht më sjell gëzim dhe motiv për të vazhduar të punojë edhe më shumë për të ardhmen”, thotë hendbollistja istogase.

Share on facebook
Share on twitter
Share on whatsapp
Share on email

Lajme tjera

Istogu e ka fituar ndeshjen e parë finale të plejofit në Superligën e hendbollisteve. Të …

Besa Famgas e Prishtina kanë zhvilluar një ndeshje shumë të fortë të shtunën pasdite në …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është …

Pas dy ndeshjeve të Kombëtares së Kosovës, është koha për finalen e plejofit në Superligën …

Të shtunën luhet ndeshja e parë e finales së plejofit në Superligën e Kosovës në …

Istogu e ka fituar ndeshjen e parë finale të plejofit në Superligën e hendbollisteve. Të shtunën mbrëma në Istog, …

Besa Famgas e Prishtina kanë zhvilluar një ndeshje shumë të fortë të shtunën pasdite në palestrën “Karagaçi” në Pejë. …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është nënshkruar në kabinetin e …

Pas dy ndeshjeve të Kombëtares së Kosovës, është koha për finalen e plejofit në Superligën e Kosovës në hendboll …

Të shtunën luhet ndeshja e parë e finales së plejofit në Superligën e Kosovës në hendboll në konkurrencë të …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës së Republikës së Kosovës …

Vushtrria e Istogu do të takohen në gjysmëfinale të Kupës së Republikës së Kosovës në hendboll në konkurrencë të …

Nesër nga ora 13:00 tërhiqet shorti për gjysmëfinalen e Kupës së Republikës së Kosovës në hendboll. Turneu final i …

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova