Shqiponja shkruan historinë, shpallet kampione

Shqiponja e Gjakovës ka fituar titullin e kampionit të Kosovës në hendboll për femra për edicionin 2017\18. Shqiponja titullin e siguroi të dielen mbrëma në Vushtrri, në ndeshjen e fundit të edicionit. Skuadra gjakovare e mposhti Vushtrrinë me 21:19 dhe kështu falë bilancit më të mirë në ndeshjet e ndërsjellta me Vushtrrinë, përfundoi e para në tabelë. Të dy skuadrat i kanë mbledhur nga 33 pikë në 20 ndeshje, por titullit i gëzohet Shqiponja.

Ishte ky një përfundim dramatik i një edicioni interesant në kampionatin e Kosovës për hendbolliste. Rrallë ndodh që ndeshja e fundit të përcaktojë kampionin. Palestra në Vushtrri ishte e mbushur me shikues, prezent ishin rreth 1500. Ndeshja ishte cilësore dheinteresante. Shqiponja ishte në epërsi të lehtë thuajse gjatë tërë kohës. Pas pjesës së parë rezultati ishte 13:10 në të mirë të mysafireve. Në minutën e 55-të rezultati u barazua në 18:18 e më pas edhe në 19:19 në minutën e 57-të. Por më pas vendaset nuk shënuan, ndërsa gjakovaret shënuan edhe dy herë për të fituar ndeshjen e bashkë me të edhe titullin e parë në histori të klubit.

Sh. Fazlija e V. Malaj me nga pesë gola ishin më efikaset te Shqiponja. Te Vushtrria u dallua E. Shala me gjashtë gola dhe D. Rrahmani me pesë.

“Për herë të parë klubi hendbollistik Shqiponja, pas 19 viteve të formimit, fiton titullin e kampionit të Kosovës në konkurrencë të femrave. Jam shumë e lumtur që kontribova për këtë titull që e merituam me kuptimin e plotë të fjalës. Bindshëm kemi qenë më të mira që prej fillimit të kampionatit. Edhe në ndeshjen e fundit, që ishte si një finale, ishim në epërsi thuajse gjatë tërë kohës dhe fituam me plot meritë”, ka thënë hendbollistja e Shqiponjës, Shpresa Fazlija.

Në ndeshjen tjetër të javës së 20-të (të fundit) të Superligës A, Prishtina fitoi ndaj Istogut me rezultat 45:28. Në Superligën B Kastrioti e Samadrexha barazuan me rezultat 27:27, ndërsa Vëllaznimi fitoi ndaj Dritës me rezultat 30:27. Istogu përfundoi i treti në Superligën A, ndërsa Prishtina e katërta. Në Superligën B, Kastrioti ishte i pari para Samadrexhës, Dritës e Vëllaznimit që u rendit i fundit.

Vushtrria – Shqiponja 19:21 (10:13)

Vushtrria: Kelmendi, Shala 6, Avdiu 1, B. Rrahmani 2, Zymberi, Preniqi, Mehmeti 1, Sfarqa, Paci 2, D. Rrahmani 5, Gubetini, Murati, Kasumi 1, Tahiri 1, B. Gubetini.

Shqiponja: Haxhosaj, Juniku 3, Ferizaj, Goqi, Bajramaj 1, Gashi, Mehmeti 1, Rudaku, Fazlija 5, Malaj 5, Nuza, Goqi 4, Ferizaj, Dobruna, Berisha, Nivokazi 2.

Share on facebook
Share on twitter
Share on whatsapp
Share on email

Lajme tjera

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …

Prej të enjtes e deri të shtunën në Pallatin e Rinisë dhe Sportit në Prishtinë …