Suedia ka fituar titullin e kampionit të Evropës në hendboll. Në finalen dramatike të së dielës, Suedia fitoi ndaj Spanjës me rezultatin 27:26. Fitoren suedezët e siguruan me golin e shënuar nga penalltia në sekondën e fundit. Për vend të tretë, Danimarka e mposhti Francën.
Për Suedinë është titulli i pestë i Evropës, i pari që nga viti 2002. Suedia konfirmohet si Kombëtarja më e mirë evropiane.
Lojtari më i vlefshëm i Evropianit është shpallur suedezi Jim Gottfridsson.
Kosova ishte kundërshtare e Suedisë në kualifikimet për Evropian. Në Prishtinë kemi luajtur më 8 nëntor të vitit 2020, ndërsa në Alingsas më 2 maj të vitit 2021.
Menu
