Sukses i madh për motrat Hajdari, kalojnë në elitën daneze

Danimarka është prej vendeve me hendbollin më të zhvilluar të femrave. Dhe në elitën e këtij vendi prej edicionit të ardhshëm do të luajnë motrat Marigona e Arlinda Hajdari. Është ky një sukses i madh për dy reprezentueset e Kosovës, që kanë shfaqur vlera edhe në ndeshjet në Austri.

Skuadra e motrave Hajdari, Ringkobing, të dielën fitoi bindshëm, 34:19 ndaj Rodovres. Një xhiro para fundit të kampionatit në Ligën B, Ringkobingu ka siguruar pozitën e parë. I ka 37 pikë, tri më shumë se Aalborgu. Me këtë skuadër takohet më 10 prill.

Marigona Hajdari organizoi lojën e Ringkobingut në ndeshjen e së dielës dhe shënoi dy gola. Arlinda mungoi për shkaqe shëndetësore.

Kështu vetëm po vazhdon ngritja në karrierë e lojtareve të Kosovës, që kanë një sfidë të rëndësishme pas disa javësh, kur paraqiten në fazën e parë kualifikuese për Evropian. Synimi është triumfi në grup për të avancuar në kualifikimet e rregullta.

Në elitën e Norvegjisë është promovuar Mirela Gjikokaj me skuadrën Follo. Në elitën e Zvicrës, madje në plejof, paraqiten Kristina Ukaj e Pashke Marku. Në Slloveni luajnë me sukses motrat Mirjeta e Mërgime Bytyqi, ndërsa në Danimarkë bëjnë karrierë edhe Leonora Demaj, Njoma Zogaj, Sara Rexhepi. Albana Arifi ka kohë që është pjesë e elitës së Suedisë.

Gjitha këto, së bashku me lojtarët e klubeve tona që po japin vazhdimisht kontribut të madh dhe me lojtare tjera në vendet evropiane do ta kërkojnë suksesin në Portugali.

Share on facebook
Share on twitter
Share on whatsapp
Share on email

Lajme tjera

Me finalen e Ligës së juniorëve, të luajtur të dielën, ka përfunduar edicioni garues 2020/2021 …

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …