Të hënën grumbullohen hendbollistet e Kombëtares U17

Kombëtarja U17 e Kosovës në hendboll (vajzat) grumbullohet të hënën në Gjakovë. Kryetrajneri i Kombëtares U17, Mitat Ferati, ka përpiluar listën që përbëhet mbi 30 lojtare. Fillimisht lojtaret e reja do t’i nënshtrohen testimit, ndërsa lojtaret e përzgjedhura do të vazhdojnë kampin.

Kampi mbahet prej të hënës deri më premten në Gjakovë. Grumbullimi i lojtareve bëhet në palestrën “Te Profa” nga ora 9:00. Prej orës 9:30 e deri në ora 12:00 bëhet testimi i lojtareve nga kryetrajneri Mitat Ferati.

Gjenerata që do të paraqitet në vitin e ardhshëm në Evropianin U17 vlerësohet me potencial. Ferati, që për herë të parë punon në Kombëtaret e Kosovës, ka planifikuar disa grumbullime për të bërë përzgjedhjen më të mirë dhe njëkohësisht për të rritur nivelin e këtyre lojtareve.

Pos lojtareve nga klubet tona pjesë e kampit do të jenë edhe disa hendbolliste të klubeve evropiane. Do të punohet në aspekte të ndryshme që kanë të bëjnë me lojën e hendbollit.

Në shtabin teknik të Feratit do të jenë edhe trajneret Edona Rugova dhe Albulena Basha.

List e lojtareve

Stafi i Kombëtares U17