Të premten në palestrën “Shani Nushi” në Gjakovë janë zhvilluar ndeshjet gjysmëfinale të turneut tradicional “Shqiponja 2000”.
Ky turne zhvillohet për të festuar 8 Marsin, ditën e gruas. Organizohet nga klubi gjakovar Shqiponja, me përkrahje të Federatës së Hendbollit të Kosovës.
Në edicionin e këtij viti po marrin pjesë Shqiponja, Ferizaj, Nikshiqi i Malit të Zi dhe Gjorche Petrovi i Maqedonisë së Veriut.
Në gjysmëfinalen e parë Ferizaj fitoi ndaj Nikshiqit me rezultat 35:29.
Gjysmëfinalen e dytë mes Shqiponjës dhe Gjorche Petrovit e fitoi skuadra nikoqire me rezultat 40:29.
Të shtunën prej orës 12:00 është ndeshja për vend të tretë mes Nikshiqit dhe Gjorche Petrovit. Finalja mes Ferizajt dhe Shqiponjës zhvillohet prej orës 14:00.
