Vushtrria e ka fituar bindshëm ndeshjen e xhiros së 20-të të Superligës A ndaj Kastriotit.
Të dielën mbrëma në Vushtrri, skuadra vendase fitoi me rezultat 36:25. Vendasit u shkëputën në minutat e parë, por më pas ferizajasit u kthyen për t’u afruar në rezultat. Pasoi një tjetër shkëputje e Vushtrrisë, ndërsa pjesa e parë përfundoi 14:11.
Në pjesën e dytë epërsia e skuadrës vendase vazhdimisht ishte e lartë.
Bozhidar Nikoçeviq ishte më efikasi te Vushtrria me 8 gola. 7 i kishte Nemanja Drakuloviq.
Hamdi Salihu shënoi 9 gola për Kastriotin, kurse 5 i kishte Jeton Bislimi.
Vushtrria tani i ka 18 pikë në vendin e gjashtë. Kastrioti është i pesti me 19 pikë.
Menu
