Vushtrria ka shënuar fitore të re ndaj Prishtinës, këtë herë në ndeshjen e parë të gjysmëfinales së plejofit në Superligën e hendbollisteve.
Ndeshja e luajtur të shtunën në Vushtrri ka përfunduar me rezultat 26:19 për skuadrën vendase. Pas pjesës së parë rezultat ishte 12:11.
Vushtrria ka përfunduar stinorin e rregullt në vend të dytë, ndërsa Prishtina në të tretin. Ndeshja e dytë luhet në mesjavë në Prishtinë.
A. Kelmendi me 8 gola ishte më efikasja te Vushtrria të shtunën. Te Prishtina 5 herë realizoi A. Stagova.
Vushtrria – Prishtina 26:19 (12:11)
Vushtrria: Nj. Kelmendi, B. Gubetini, Shala, Avdiu 2, Rama 7, Zymberi, Preniqi 1, Mehmeti, Paci 1, A. Kelmendi 8, Rrahmani, R. Gubetini, Selaci, Kasumi 3, Sfarqa, Tahiri 4.
Prishtina: Uka, A. Krasniqi, B. Krasniqi 3, Sefedini 2, Mekolli 1, Matarova 4, Stagova 5, Berisha 2, Hashani 2, Llapashtica, E. Berisha, Shala, Kurteshi, F. Krasniqi.
