25 hendbollistë në grumbullimin e radhës të Kombëtares U18

Ditëve të ardhshme në Prishtinë do të mbahet grumbullimi i radhës i hendbollistëve të Kombëtares U18 të Kosovës.

Selektori i Kombëtares A, Bujar Qerimi dhe ndihmësit e tij për grumbullimin e dytë kanë ftuar 25 lojtarë me potencial, që janë pjesë e klubeve të vendit. Përzgjedhja është bërë në bazë të performancës së hendbollistëve të rinj në grumbullimin e parë të mbajtur në fund të tetorit në Istog.

Grumbullimi bëhet të dielën, më 26 nëntor, në mesditë. Kombëtarja U18 do të ketë pesë stërvitje gjatë grumbullimit treditor, që përfundon më 28 nëntor. Programi është i ngjeshur, ndërsa ky grumbullim do të shërbejë edhe për selektimin e mëtejmë të ekipit kombëtar.

Kombëtarja U18 prej 20 deri më 23 dhjetor do të paraqitet në një turne përgatitur në Belgjikë, ku marrin pjesë edhe Belgjika U18, Polonia U18 dhe Luksemburgu U18.

Ndërkohë në janar, Kombëtarja e 18-vjeçarëve paraqitet në kualifikimet e Kampionatit Evropian, në Shkup të Maqedonisë së Veriut.

Lista preliminare e Kombëtares U18

Stafi teknik