Gjyqtarët e Federatës së Hendbollit të Kosovës vazhdojnë të fitojnë besimin e Federatës Evropiane (EHF). Dy gjyqtarët mitrovicas, Arsim e Erdoan Vitaku, janë deleguar për të ndarë drejtësinë në Kampionatin Evropian U19 për hendbolliste, që të enjten filloi në Celje të Sllovenisë.
Për çiftin Vitaku është hera e pestë rresht që drejton ndeshje në Kampionate Evropiane.
Evropiani në Celje mbahet deri më 18 korrik. Po marrin pjesë 15 ekipe kombëtare, ndërsa që në ditën e parë ka pasur ndeshje interesante.
Gjyqtarë të tjerë të FHK-së janë deleguar për kampionate kontinentale të grupmoshave që mbahen këtë verë.
