Besa Famgas nuk ka hasur telashe për ta fituar edhe një ndeshje në Superligën A të hendbollistëve. Të shtunën mbrëma në Gjakovë, Besa e Pejës fitoi ndaj Vëllaznimit vendas me rezultat 49:21. Epërsia e Besa Famgas ishte bindëse që pas pjesës së parë, 27:10. Jon Vokshi ishte i pandalshëm te Besa duke shënuar plot 14 gola. Kastriot Jupa i realizoi 9 gola.
Te Vëllaznimi nga 4 gola i shënuan Arbër Neziri e Arnis Spahija.
Për Besën është fitorja e 24-t rresht në këtë kampionat. Udhëheq bindshëm në tabelë me 48 pikë. Vëllaznimi është i gjashti, i fundit në Superligë A, me 19 pikë.
Menu
