Besa udhëton në Norvegji, të dielen takohet me Drammenin

Pasi u paraqit fuqishëm në rrethin e parë të Kupës së EHF-së, kampioni i Kosovës në hendboll , Besa Famgas këtë fundjavë nis garën në rrethin e dytë të Kupës së EHF-së. Përballë ekipit pejan të dielen do të jetë ekipi nga Norvegjia, Drammen, me përvojë të gjatë e të suksesshme në Evropë. Drammeni është nënkampion i Norvegjisë dhe ndeshjet ndaj kësaj skuadre do të jenë sfiduese për djelmoshat e Arben Muqollit. Por lojtarët e skuadrës pejane kanë nisur me kohë përgatitjet, janë në formë të mirë dhe janë shprehur optimist për përfaqësim të denjë në Norvegji, ndonëse janë të vetëdijshëm për forcën e ekipit norvegjez.

Ekspedita e Besës të premten ka udhëtuar për në Norvegji dhe tashmë është vendosur në Drammen. Drammeni garën në Kupën e EHF-së e nis prej rrethit të dytë, derisa Besa Famgas në rrethin e parë e mposhti Batumin e Gjeorgjisë. Ndeshjet ishin luajtur më 8 e 9 shtator në Pejë, ndërsa Besa kishte fituar fillimisht me rezultat 30:20 e më pas me rezultat 37:22.

Ndeshja Drammen – Besa Famgas luhet të dielen nga ora 18:00 ndërsa drejtohet nga gjyqtarët rumun Mihai Marian Pirvu dhe Radu Mihai Potriniche. Ndeshja e kthimit është më 13 tetor në palestrën “Karagaçi” në Pejë. Te Besa janë shprehur të vendosur që të paraqiten sa më mirë në Norvegji, që në ndeshjen e dytë të jenë më komod. Federata e Hendbollit të Kosovës i dëshiron skuadrës së Besës paraqitje të nivelit sa më të lartë.

Ndeshjen mund ta ndiqni live në programin e EHF TV në këtë link

https://www.ehftv.com/int/livestream/drammen-hk-kh-besa-famgas/1343103
Share on facebook
Share on twitter
Share on whatsapp
Share on email

Lajme tjera

Me finalen e Ligës së juniorëve, të luajtur të dielën, ka përfunduar edicioni garues 2020/2021 …

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …