Dy derbi në xhiron përmbyllëse

Të shtunën e të dielën luhen ndeshjet e xhiros së fundit (22) të stinorit të rregullt në Superligën e Kosovës në hendboll (femrat). Më pas edicioni vazhdon me garat shtesë (plejof), ku përcaktohet kampioni.

Në kuadër të javës së 22-të janë dy derbi, ku takohen skuadrat e kreut të tabelës. Të shtunën nga ora 17:00 takohen kampioni aktual, Ferizaj dhe lideri i klasifikimit, Istogu. Istogu ka fituar 21 ndeshjet e deritashme dhe udhëheq në tabelë me 42 pikë. Istogaset e kanë siguruar pozitën e parë për plejof. Ndërkohë Ferizaj është i katërti me 31 pikë. Është kjo pozita e fundit që siguron garat shtesë.

Edhe derbi tjetër luhet të shtunën nga ora 17:00. Takohen Vushtrria e Prishtina, dy skuadrat tjera me synime. Vushtrria është e dyta me 38 pikë, ndërsa Prishtina e treta me 34 pikë. Skuadrat nuk do të ndryshojnë pozitat, por fitorja në derbi gjithnjë ka peshë.

Shqiponja – KEK-u (15:00) e Kastrioti – Jusuf  Gërvalla (13:30), janë ndeshjet tjera të së shtunës.

Të dielën luhen dy takime: Samadrexha – Vëllaznimi (17:00), Drita – Vjosa (15:00).

Share on facebook
Share on twitter
Share on whatsapp
Share on email

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova