Elma Kameri beson në suksese të reja

Elma Kameri ishte e pandalshme të dielen në fitoren e dytë të Istogut ndaj skuadrës italiane Cassano Magnago. Istogu fitoi me rezultat 23:21 ndeshjen e luajtur në Pejë. Të shtunën Istogu fitoi me 26:24 dhe kështu e kaloi rrethin e tretë të Kupës Sfiduese. Tani Istogu është në mesin e 16 skuadrave më të mira në Kupën Sfiduese, pra do të luajë në një të tetën e finales.

Reprezentuesja e Kosovës, Elma Kameri në ndeshjen e dytë shënoi 10 gola. Kapitenja e Istogut, Albina Rugova shënoi katër herë, sa kishte edhe Arlinda Krasniqi. Edhe Rugova e Krasniqi janë pjesë e rëndësishme e kombëtares së Kosovës. Në ndeshjen e parë Rugova ishte më efikasja me tetë gola kurse Kameri shënoi gjashtë herë. Kështu reprezentueset e Kosovës kanë shfaqur formë të lartë para ndeshjeve që i kanë me kombëtaren.

Istogu ka arritur sukses historik me dy fitoret e shënuara në Pejë.

“Sigurisht ky është një sukses historik. Si të mos jemi të kënaqura kur arritëm të futemi në mesin e 16 skuadrave më të mira në Evropë”, ka thënë Elma Kameri. Ajo ka treguar se kanë pritur fitoret ndaj italianeve dhe se kanë bërë përgatitjet e duhura për këtë sukses të madh.

“Kemi analizuar lojën e italianeve dhe jemi përgatitur për përballje të suksesshme me to. Jemi munduar të komponohemi sa më mirë dhe besoj që ia kemi dalur. Ky hap për ne ishte historik. Besoj që do të punojmë edhe më shumë për të ardhmen. Nuk përjashtohet mundësia që të kemi suksese edhe më të mëdha”, ka deklaruar Kameri.

Istogu ka fituar Kupën e Kosovës këtë vit dhe tani ka bërë hap të madh në gara ndërkombëtare. Hendbollistja Kameri poashtu ka vazhduar me formë të lartë dhe efikasitet. Të dielen kishte efikasitet prej 71 % duke konkretizuar 10 prej 14 gjuajtjeve.

“Jam e kënaqur me numrin e golave, por sigurisht paraqitja ime është ngushtë e lidhur me paraqitjen e tërë skuadrës. Pra do të ishte e pamundur pa ndihmën e bashkëlojtareve, që i falenderojë për angazhimin maksimal. Vetëm me angazhimin e të gjithëve, ishte i mundur ky sukses”, ka thënë Kameri.

Share on facebook
Share on twitter
Share on whatsapp
Share on email

Lajme tjera

Kastrioti e ka fituar bindshëm përballjen e skuadrave me traditë në hendbollin kosovar. Të mërkurën …

Presidenti i Federatës Ndërkombëtare të Hendbollit, Hassan Moustafa ka uruar Eugen Saraçinin me rastin e …

Hendbollisti premtues, Yll Muqolli, ka shënuar 10 gola të martën mbrëma në fitoren e re …

Dyshja prishtinase e gjyqtarëve të hendbollit, Sherif Xhema e Besfort Jahja, kanë pasur angazhim evropian …

Me ndeshjen Besa Famgas – Vëllaznimi fillon gara në Superligën A të Kosovës në hendboll …

Kastrioti e ka fituar bindshëm përballjen e skuadrave me traditë në hendbollin kosovar. Të mërkurën mbrëma në palestrën “Minatori” …

Presidenti i Federatës Ndërkombëtare të Hendbollit, Hassan Moustafa ka uruar Eugen Saraçinin me rastin e rizgjedhjes ne postin e …

Hendbollisti premtues, Yll Muqolli, ka shënuar 10 gola të martën mbrëma në fitoren e re të Besa Famgas. Në …

Dyshja prishtinase e gjyqtarëve të hendbollit, Sherif Xhema e Besfort Jahja, kanë pasur angazhim evropian të hënën. Xhema e …

Me ndeshjen Besa Famgas – Vëllaznimi fillon gara në Superligën A të Kosovës në hendboll (meshkujt). Në Superligën A …

Të dielën u luajtën katër ndeshje të xhiros së 13-të të Superligës së Kosovës në hendboll në konkurrencë të …

Llapi ka vazhduar me fitore në stinorin pranveror të Superligës së Kosovës në hendboll (meshkujt). Të dielën në xhiron …

Besa Famgas e ka mbyllur me fitore bindëse fazën e parë të garave në Superligën e Kosovës në hendboll …