Fitore të Francës e Kroacisë falë portierëve fantastik

Franca e Kroacia kanë shënuar fitore të rëndësishme në kuadër të grupit të parë të raundit të dytë të kampionatit evropian të hendbollit që po zhvillohet në Kroaci. Ishin portierët që shkëlqyen te Franca dhe te Kroacia në ndeshjet e së shtunës mbrëma.

Fillimisht Franca fitoi ndaj Suedisë me rezultat 23:17, ndërsa portieri francez Vincent Gerard bëri plot 19 pritje. Në këtë ndeshje u shënuan më së paku gola në “Euro 2018”, ndërsa formë të lartë tregoi edhe portieri suedez. Për Suedinë ishte ndeshja me më së paku gola të shënuar në histori të kampionateve evropiane.

Te Suedia më efikasi ishte Simon Jeppsson me katër gola derisa te Franca më së shumti shënoi Cedric Sorhaindo, gjithsej pesë gola.

Në ndeshjen e dytë të së shtunës, Kroacia e përkrahur fuqishëm nga tribunat fitoi ndaj Norvegjisë, që është nënkampione në fuqi e botës. 32:28 ishte rezultati në fund, ndërsa kroatët ishin në epërsi gjatë tërë ndeshjes. Norvegjezët disa herë u afruan deri në një gol, por pa ia dalur të bëjnë më shumë. Edhe Kroacinë e udhëhoqi portieri. Ishte Ivan Stevanoviq që pati natë të jashtëzakonshme, duke ndalur 14 goditje të norvegjezëve. Manuel Shtrlek ishte më efikasi te Kroacia me gjashtë gola, ndërsa te Norvegjia Sander Sagosen shënoi tetë herë. Kroatët ndeshjen vendimtare për të kaluar në gjysmëfinale e luajnë më 24 janar ndaj Francës.

Kroacia prinë në grupin e parë me gjashtë pikë nga katër ndeshje. Gjashtë pikë i ka edhe Franca nga tri ndeshje. Pasojnë Suedia e Norvegjia me nga katër pikë, ndërsa Serbia e Bjellorusia janë pa pikë. Më 22 janar takohen Serbia me Francën dhe Suedia me Bjellorusinë. Ndërsa më 24 janar luhen tri takimet e fundit: Serbia – Bjellorusia, Suedia – Norvegjia, Kroacia – Franca.

Share on facebook
Share on twitter
Share on whatsapp
Share on email

Lajme tjera

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …

Prej të enjtes e deri të shtunën në Pallatin e Rinisë dhe Sportit në Prishtinë …